鍾欣潼（阿嬌）前日同咗台灣「醫界王陽明」賴弘國註冊，今晚就喺西九一間酒店擺酒，一對新人仍在為晚宴裝身，準備以最佳狀態現身，但婚禮團隊已分工合作為佢哋搞好一切，會場並佈置得浪漫滿瀉，入場接待處放上白色長枱準備迎賓，會場外當然有阿嬌同賴弘國嘅靚爆婚紗相，還有一個拍攝區，放咗飾物畀賓客佩戴影相留念。
進入宴會廳的走廊兩邊佈滿美麗鮮花，十分清雅，會場內有一道花橋，估計是讓新人站在橋中拍照。阿嬌今年初喺美國搞嘅pre wedding party，都係一遍花海，散發溫馨浪漫。一對新人更用自己Q版中式禮服公仔設計咗叉電器（俗稱尿袋）同蠟燭送給賓客做回禮禮物，非常有心思。
今午5時許，酒店外用鐵欄劃出傳媒採訪區，現場逾半百傳媒採訪，也有約有10幾名阿嬌粉絲逼入看熱鬧。阿嬌同老公賴弘國約於6點半出嚟見傳媒，阿嬌晒事業線，應記者要求錫咗老公3次，又不時深情望老公。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
