資深女星顧美華銀色旅途璀璨，84年以32歲失婚婦人身份，首次拍戲就獲得金像獎最佳新演員獎，其後拍戲、再婚、淡出再復出，可謂成功人生。不過，顧美華日前接受《蘋果》專訪，卻訴說自己不幸的往事，她妹妹麗華09年因不堪丈夫出軌自殺、父母傷心過度相繼離世，連續痛失三個親人的她情緒崩潰。直至多年後，面對三個寶貝孫兒，才漸漸解開心結。
撰文︰祖李
攝影︰郭賢興
相關新聞：顧美華《似水流年》出道作即獲獎
提起顧美華，腦海中總會響起梅艷芳主唱、電影《似水流年》同名主題曲的歌詞：「外貌早改變，處境都變，情懷未變……」當年以32歲出道的她，今時今日已經66歲，氣質依然。
| | |
血壓高隨時死
不過，提起妹妹麗華的離世，一直笑咪咪的顧美華就大皺眉頭：「呢個痛同打擊一生都彌補唔到，因為佢係自殺，呢個絕對絕對係對屋企人好大打擊，我父母之後離世，都係因為妹妹，兩個老人家身體已經唔好，件事加重佢哋病情，年半內冇咗三個至親，當時真係承受唔到。」連續痛失三個至親，令她長期失眠、血壓指數高企，直至現在也要靠藥物才可入睡，她憶述最嚴重時：「醫生話我血壓高到隨時會死！」
喪親之痛，顧美華也是多年後才能宣之於口︰「初初好唔願意講，就算親朋戚友開解我都拒絕，覺得人哋點講都冇用，因為呢個傷痛只有自己知，好多人叫我︰『你睇開啲啦』，呢句說話好唔負責任，或者話︰『你節哀順變』都無濟於事，外人只可以講呢啲。」尤幸她是個不肯認輸的人，從來沒有將自己標籤為病人，她深信靠自己，總有一天會跨過。她說︰「心理醫生同精神科都睇過，但幫唔到我，反而同啲有同理心嘅朋友傾起仲舒服。」
相關新聞：難忘明哥香噴噴床戲
有求必應婆婆
66歲的顧美華嘗盡了生老病死悲歡離合，現在三個孫兒，就是她快樂的泉源，談起三個寶貝，她緊繃的臉也放鬆了，更直言是個有求必應的婆婆：「仔女要教，但孫就係縱嘅，對住個孫邊個忍心教佢箒。我大孫女已經19歲，入咗大學，細孫仔都13歲，喺英國讀中學，仲有個BB孫，一歲多。大嗰兩個好似朋友咁傾偈，細嗰個就好得意，係開心果嚟。」
提起孫兒「四萬咁口」，顧美華卻經歷一段不快的婚姻，84年與前夫離婚，為生計才半途出家入娛樂圈，她直言婚姻沒保障，對兩個女兒，她從不打罵，但也不呵護，希望女兒學懂獨立︰「未離婚前我只係典型嘅家庭主婦，但婚姻冇百分百保證，當你婚姻唔如意，選擇分開，咁分開後就係靠自己，女人硬淨啲，隨時裝備好自己，都係一種安全感。」
唔做一世演員
話雖如此，顧美華後來與圈外人Andy Yen再婚，才淡出娛樂圈，她坦言野心不大，工作是隨遇而安。「演戲真係打天才波㗎！加上人生經驗唔多，小時候屋企好簡單，爸爸媽媽加四兄弟姊妹，一個快樂家庭。離婚係人生第一次衝擊，要靠自己，但當日拍戲唔識驚，亦因為對演戲知識層面不足，唔能夠再上一層樓。因為冇野心，演員我冇諗住做一世，如果要做一世咪好慘！我都係寧願結婚、嫁人，做老婆簡單啲。」
近年顧美華美國、香港兩邊走，拍戲是興趣，家庭主婦才是正職：「我美國有個家，我要成日喺度主持大局，連花園的花草樹木都關我事，做人哋老婆，都要盡番責任。成日都唔見人，唔得嘅！以前都會同佢一齊打golf，但戶外打波出好多斑，我就唔鍾意，𠵱家咪一齊湊孫囉。」
化妝及髮型：Kimmy@KAZAF
場地提供︰如心艾朗酒店
|
鍾意就快D Share啦！
|
|
|
