何猷啟年頭宣布求婚成功，一直準備緊婚禮，之前打算年尾會正式結婚。不過佢地趕唔切年尾結婚，何猷啟話婚禮會喺下年舉行，但詳細就唔可以透露住。雖然未公布到婚期，兩人仍然恩愛，早排先去完希臘兩人世界。唔知係咪因為同女友太幸褔，何猷啟都開始幸褔肥啊。
呢日佢一枝公喺銅鑼灣出現，著住白衣tee嘅佢 個肚好似好突出喎！女友唔喺身邊，佢只好邊行邊玩電話，顯得自己無咁寂寞啊嘛。佢似乎好趕時間，一直行得好快，見無車仲衝埋紅燈，入豐澤問咗啲野就急急腳出返嚟，再行去跑馬地。
雖然何猷啟未正式踏入婚姻，今年又先得27歲，但睇到佢呢個中年已婚男標準啤酒肚，似乎已經準備好結婚啦。不過結婚大日子點都要靚仔啲嘅，佢平時又有做開運動，相信佢好快會操返弗個Body。啱啱係賭王97歲生日，唔知何猷啟趕唔趕得切俾到個孫同賭王賀98歲生日呢？
來源 source: http://nextplus.nextmedia.com
|
鍾意就快D Share啦！
|
|
|