桃色糾紛好影響前途。
藝人邵仲衡出席首映禮，問到可有留意近日黃子恆的「食粉絲」事件及三度以短訊邀歌手迪子回家「交流」，邵仲衡坦言雖然剛回港但都有留意到新聞，他謂：「呢啲嘢，後生仔自己孭吓喇，有時啲嘢係人品喇。」男藝人在私生活是否應檢點些？他亦好同意尤其是幕前：「呢行觀眾緣好緊要，呢啲桃色糾紛係嚴重影響前途，人哋冇必要講衰你，所以，更加要留意呢方面，幾叻，幾靚仔都冇用，要有觀眾緣。（形象好緊要？）係，尤其係入唔入到屋，任何對形象違背或者傷害都唔好做。」他覺得凡事都可以控制，要懂得適可而止：「話自己控制唔到就假嘅，講都冇人信，檢點啲啦，要顧住入屋形象，否則真係bye bye唔好做呢行嘞！」黃子恆今次事件可能真的要告別娛樂圈？他坦言：「祝佢好運啦。」
不講不知原來邵仲衡與迪子是多年朋友，不過，就沒有聽她提過這件事，他謂：「我一年見迪子幾次喇，都係喺啲音樂上畀吓意見佢。」會否因迪子在MV性感SM自綁而引來男士垂涎？他笑言：「好難講嘅，我成日叫佢不如男仔頭啲走中性類型。（你抹殺咗佢嘅好身材？）哦，佢又想表達佢優點？咁呢方面我又唔知喎。」可提她戴眼識人？他笑謂：「好藝術家，叻女嚟！（見佢哋啲留言迪子又應佢？）佢積口德啫，最重要係佢係叻女，唔識畀意見佢，佢點會畀人呃到呀，呢個係我嘅Conclusion（結論） 。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|