掃呢頁CODE去手機

2018年12月14日 星期五

狂掃四獎 張敬軒撼低姜濤奪「人氣票王」 __,張敬軒,

狂掃四獎張敬軒撼低姜濤奪「人氣票王」日前,「Yahoo搜尋人氣大獎2018」喺尖沙咀文化中心露天廣場舉行頒獎典獎,呢個頒獎禮可以話係年尾樂壇頒獎禮嘅一 ...


  • 狂掃四獎 張敬軒撼低姜濤奪「人氣票王」


  • 日前,「Yahoo搜尋人氣大獎2018」喺尖沙咀文化中心露天廣場舉行頒獎典獎,呢個頒獎禮可以話係年尾樂壇頒獎禮嘅一個熱身賽。

    雖然當晚有古天樂、謝安琪、麥浚龍、林峰、李佳芯,一眾藝人得獎,張敬軒亦一人獨攬「本地男歌手」、「最具號召力香港男藝人」、「人氣票王」及「年度熱搜歌《天才兒童1985》」四個獎項,仲揮低埋一直被佢視為「勁敵」嘅小鮮肉姜濤。軒仔話今次呢個獎得來不易,「我知道我啲fans㩒掣投票㩒到手指頭都損埋,同埋要多謝佢哋發散佢哋嘅親戚朋友投票,所以好多謝你哋嘅親戚朋友。」之後佢仲話要多謝姜濤fans,「因為大家手下留情,所以我呢個『樂壇平安鐘』就可以㩒少啲。」之後佢代埋好友容祖兒拎女歌手獎,仲即刻容祖兒上身,「我要變佢嗰把好巴渣嘅聲,(高八度)好多謝我嘅歌迷。」之後仲不忙幫祖兒宣傳佢嘅慈善基金搞咗個義賣,希望大家多多支持咁話。

    立即下載Apps,隨時隨地睇盡時政專題、深度偵查、娛樂熱話!

    按此連結:http://bit.ly/next28app

    張敬軒橫掃「本地男歌手」、「年度熱搜歌曲《天才兒童1985》」、「最具號召力香港男藝人」及「人氣票王」四個獎項,成為當晚大贏家。

    BOYZ 獲「人氣票選組合」

    陳家樂被選為「人氣急星」



    鍾意就快D Share啦!