大台最新真人騷《一個因去跳舞》，搵咗37歲嘅黃智雯隻身走去韓國學跳舞，仲挑戰去唔同韓國娛樂公司面試，入去做練習生。韓國嘅偶像文化不嬲都走低齡路線，平均出道年齡係17-18歲，20歲先出道都已經俾人嫌老啦。今年37歲仲去做練習生真係好大挑戰。第一集佢就去咗全國最出名嘅公司SM Entertainment面試，少女時代、Super Junior，Exo等都係呢間公司出產嘅藝人。喺一眾平均年齡得15 16歲嘅面試者中，Mandy真係顯得有啲「與別不同」。睇返資料少女時代已經出道12年，但而家年紀最大嘅泰妍都只係28歲， 37歲先挑戰做練習生嘅Mandy真係屬於高齡練習生。
一日成百幾二百人去面試，要成功吸引到評判睇你表演其實唔簡單，Mandy係評判面前起勢咁跳，但評判眼尾都唔望吓佢，搞到佢好挫敗。唔只評判唔欣賞，就連網民都話佢跳得唔好睇，仲話佢身體僵硬。
其實Mandy以前讀演藝學院時已經主修跳舞，一直都對跳K-pop有啲興趣，但要同班後生仔比較，又真係好吃力嘅。不過可以成功突破自己，已經好叻
來源 source: http://s.nextmedia.com
|
鍾意就快D Share啦！
|
|
|
