掃呢頁CODE去手機

2019年1月15日 星期二

【相隔廿年】尹天仇重遇柳飄飄! 星爺《新喜劇之王》搵栢芝幫手 __,周星馳,張栢芝,星爺,

似曾相識嘅畫面
日前推出電影trailer,標明係「周星馳導演作品」嘅賀歲片《新喜劇之王》,將於大年初一上映,相信星爺fans定必翹首以待。數數手指,對上嗰部《喜劇之 ...


日前推出電影trailer,標明係「周星馳導演作品」嘅賀歲片《新喜劇之王》,將於大年初一上映,相信星爺fans定必翹首以待。數數手指,對上嗰部《喜劇之王》,原來已經係20年前嘅作品,當年嘅黃金組合係周星馳同張栢芝,栢芝仲係啱啱入行,真係18歲卜卜脆,o依家已經係一位有3個仔嘅媽咪,時間眨吓眼就過咗。



雖然栢芝今次冇份拍《新喜劇之王》,不過星爺特別搵番栢芝幫手,但就由幕前轉到幕後,昔日嘅「尹天仇」變成導演,誠邀「柳飄飄」為電影特別聲演,星爺話:「如果要拍《喜劇之王》,張栢芝自然係不二人選。」



因工作而重聚,栢芝覺得星爺同自己預期嘅好唔同,佢話:「佢o依然好後生,冇我想像中做導演好滄桑嘅樣。」問到星爺點解會搵栢芝為戲中角色配音?星爺笑言:「拍《喜劇之王》喎!如果唔係搵佢,我都唔知可以搵邊個。」



近日曝光嘅製作花絮,見星爺監督栢芝配音,仲好搞鬼做番當年星爺摸栢芝下巴嘅經典動作,而一身黑衣打扮嘅栢芝明顯仲未收晒身,久別重逢嘅佢哋,配音過程都好歡樂,同時亦見到栢芝專心工作嘅一面。



星爺透露《新喜劇之王》係講述一個臨時演員嘅奮鬥過程,當中嘅故事同大家所認識嘅《喜劇之王》睇落好類同,但其實內有乾坤。除咗秉承咗自己嘅喜劇風格同特色,星爺仲話今次女主角比較似自己,而栢芝認為《新喜劇之王》仍然保留唔少周星馳嘅個人風格。



「尹天仇」同「柳飄飄」再次碰頭,少不免會勾起當年拍攝《喜劇之王》的種種回憶,回想自己第一部戲就要同星爺拍對手戲,栢芝坦言:「我反而唔驚佢,係驚自己做得唔夠好,我知道自己用心就可以演得好。」星爺即話:「其實栢芝唔使用心都可以做得好好。」



星爺嘅經典作品有好多,今次以新故事內容拍攝《喜劇之王》,別有一番味道,栢芝覺得呢個係好好嘅選擇:「大多數人都覺得周星馳就係同搞笑掛勾。人生有幾多個20年,想拍就去拍!」



精選娛聞,喺晒《娛果》

http://fb.com/appledailyent



似曾相識嘅畫面 栢芝義助星爺為電影配音 栢芝義助星爺為電影配音
仲記唔記得呢個動作

仲記唔記得呢個動作
一見面就開心擁抱

一見面就開心擁抱
栢芝送咗本書畀星爺

栢芝送咗本書畀星爺
 當年嘅《喜劇之王》

當年嘅《喜劇之王》
呢一幕都係經典

呢一幕都係經典
栢芝話拍《新喜劇之王》係好好嘅選擇

栢芝話拍《新喜劇之王》係好好嘅選擇

鍾意就快D Share啦!