79歲的吳耀漢是富二代，父親是九巴創辦人之一的吳海霖，也是殯儀業大亨。不過由於他是二房兒子，母親早逝，這位富家公子童年不好過，7歲寄宿，15歲獨自到英國升學。吳耀漢日前接受《蘋果》專訪，感慨地說：「媽咪死後，我歸大媽管，但佢一啲都唔錫我，好冷漠。」在無助的日子，睇喜劇成為了吳耀漢逃避現實的良方，而孤獨也成就了這位笑匠。
撰文：祖李
攝影：陳慧安
相關新聞：自豪吳嘉龍有骨氣
吳耀漢出身富貴之家，父親吳海霖是九巴及九龍殯儀館創辦人，有四房太太，他是二房孻仔。雖然是富二代，但生母於他7歲時離世，周旋於十六兄弟姊妹中的他，經常被欺負，吳耀漢接受《蘋果》專訪時便說︰「媽咪死後，我歸大媽管，但佢一啲都唔錫我，好冷漠。其他兄弟姊妹也對我唔好，我得唔到任何照顧。7歲就寄宿，就算周末可以返屋企，我都寧願留喺學校釣魚。」
| | |
為結婚與父反目
去解決。嗰邊好少中國人，啲鬼仔見你人丁單薄，梗撩你、蝦你。」由於自小缺乏愛，吳耀漢19歲時與一名外籍女子一撻即着，更不理父親反對結婚。父親氣得立即「斷糧」不再滙款給他，吳耀漢寧可自己打工，自食其力︰「你睇死我，向我挑戰，咁做人一係就輸，一係就贏，一係克服困難向前行，呢個係我人生好寶貴經驗。」
當日吳耀漢認為父親專制，但現在他承認有錯︰「佢有退一步叫我返去幫佢打理生意，但我過唔到自己嗰關，嗰陣覺得好愛個女仔，初戀嘛！其實只係性愛滿足，唔係真正愛情，半年後就離婚，嗰陣至知老竇反對，係老人家嘅智慧。」可惜就在這短短半年，父親離世，當時他半工讀，連機票都買不起，未能返港送父親一程。
相關新聞：一部戲買一棟別墅
拒賤價簽約無綫
一年後，吳耀漢才從大哥口中知道，原來父親用他的名義買下不少物業及股票。之後吳耀漢在英國咸斯特戲劇學院攻讀戲劇，畢業後為英國廣播公司主演四部喜劇，並認識了現任太太。有感在外國華人發展有限，他在70年回流︰「我雖然讀番書，但好注重中國傳統，70年我回流返港，我都要老婆喺我三位媽咪面前逐個下跪斟茶。以前大媽至叫媽咪，我親生嗰個都係叫阿姐，跟住就三姐、四姐，呢個係我自細教養。」
吳耀漢太太是美髮品牌沙宣創辦人的第一代入室弟子，返港後其妻成為李小龍御用髮型師，吳耀漢因而認識當時無綫高層周梁淑怡得以加盟，吳耀漢說︰「70年代我同佢哋拍《點只咁簡單》，當時梁淑怡搵我做主持，拍完六集之後叫我簽約，我一口拒絕，第一錢少到離譜，第二拍攝制度唔好，我唔可以做到最好嘅表現，更享受唔到做嘢過程，咁我寧願唔做。」
慈善騷訛稱冇錢
之後吳耀漢與蕭芳芳應邀為無綫拍慈善騷，令他更是一肚氣︰「佢哋叫我做嗰陣，話因為做慈善冇錢收，但後來我知道佢哋製作個節目賺咗好多錢，我同蕭芳芳當時好不滿，芳芳怕麻煩息事寧人，但我鬼佬脾氣唔會忍，咁我咪自己同個監製理論，佢嘅解釋係佢哋不嬲都係咁做。」吳耀漢自言看透了無綫：「呢個台嘅思想係你唔做，大把人做，係我畀機會你出鏡，唔好忘記捧紅咗你，你喺外面可以搵到好多錢。但佢忘記一個原則，就係我出咗力，點解唔值錢？點解唔應該有適合嘅酬勞？」89年，吳耀漢轉投亞視，由他演出的整蠱節目《吳耀漢攪攪震》，叫好叫座，向無綫吐了一口烏氣。
近年除了拍港片、港台和ViuTV的劇集，吳耀漢也曾演出英國劇集《Red Dwarf》及《The Bill》。對於戲劇的一團火，吳耀漢從未減退︰「我𠵱家仲可以享受工作，可以話冇遺憾，我79歲嘞！仲有體能應付一日拍十幾個鐘頭戲。每次埋位都係咁享受，呢個係我嘅福氣。」
|
鍾意就快D Share啦！
|
|
|
