掃呢頁CODE去手機

2019年1月12日 星期六

【狗仔出更】37歲譚凱琪Keep住童顏童心 隨時嫁「富貴男友」做豬年新娘 __,譚凱琪,

(攝影﹕畢紹基/互聯網圖片)
《大帥哥》噚晚播大結局,戴住「天嬌」光環嘅譚凱琪(Zoie),持續人氣高企。其實Zoie入咗行已經18年,19歲以小室哲哉徒弟之名出道,但向來都係演花 ...


《大帥哥》噚晚播大結局,戴住「天嬌」光環嘅譚凱琪(Zoie),持續人氣高企。其實Zoie入咗行已經18年,19歲以小室哲哉徒弟之名出道,但向來都係演花瓶角色,年前喺《EU超時超任務》色誘戴耀明令對方動L,被網友戲稱做「動L女神」。但天嬌令大家知道,原來譚凱琪都識演戲,向大帥哥真情表白一幕,喊到七情上面,睇到人好心酸。



譚凱琪雖然已經37歲,但樣貌、身材仍然keep得好好,除咗有童顏,仲有童心,日前佢出席完《大帥哥》活動後,約埋兩位十幾歲學生妹一齊去中環嘉年華玩。當晚約七點半,Zoie打扮sharp醒,短褲襯長boots,唔少途人都認得佢係「天嬌」要求合照,Zoie表現大方來者不拒。見Zoie對機動遊戲興趣不大,兩位學生妹上去玩,Zoie就喺下面幫手影相。之後佢哋去咗附近玩攤位遊戲,玩完拋圈入玻璃樽,再玩掟波波,見佢哋有商有量,好似好有策略,玩咗十幾分鐘,終於贏到一個公仔,叫做有斬鑊,大家都表現得好興奮。玩到八點幾,佢哋就由VIP通道離開。



Zoie噚日接受傳媒訪問時透露其中一位學生妹係佢姨甥女。有報道指Zoie有意係今年與拍拖5年嘅富二代男友莊日宇(Enrico)結婚,據聞男方係集團餐廳老闆,曾將旗下一間美式餐廳交由Zoie管理,年前男友更大手筆買下九龍塘一個千萬單位,與Zoie共賦同居。Zoie笑話﹕「做豬年新娘都唔錯,但之前我哋真係冇乜plan過結婚,嚟緊我都仲有幾套劇拍,好忙,遲少少先再算。」問到男友有冇詐型?佢話﹕「冇,大家一向都尊重大家嘅工作。」



精選娛聞,喺晒《娛果》

http://fb.com/appledailyent



【編輯推介】



【同華仔夾好?】學友219場巡迴再返港開騷 18歲張瑤華興奮撐老竇

http://bit.ly/2SPlAHE



【收視破30點】《愛回家》揮低黃金時段劇集 「大小姐」林淑敏﹕逼老公每集翻睇兩、三次

http://bit.ly/2M5GWOp



【誕8磅巨B】撒嬌女隋棠生第三胎用力過度 搞到囝囝骨折

http://bit.ly/2FoHPAt



【韓流】娛樂公司代表性侵三名練習生罪成 判五年有期徒刑

http://bit.ly/2H8vbbn



【回到過去救復仇者?】森姆積遜劇透 爆Marvel隊長有穿越時空能力

http://bit.ly/2H8vOBL



(攝影﹕畢紹基/互聯網圖片) 譚凱琪憑「天嬌」一角人氣急升,被fans要求影合照。 譚凱琪憑「天嬌」一角人氣急升,被fans要求影合照。
Zoie陪兩位小妹妹一齊去嘉年華。

Zoie陪兩位小妹妹一齊去嘉年華。
期間Zoie不停撳電話,唔知係咪向男友報告呢?

期間Zoie不停撳電話,唔知係咪向男友報告呢?
Zoie童心未泯,玩得好開心。

Zoie童心未泯,玩得好開心。
拋波波,可惜唔中。

拋波波,可惜唔中。
譚凱琪雖然已經37歲,但皮膚依然又白又滑。(ig圖片)

譚凱琪雖然已經37歲,但皮膚依然又白又滑。(ig圖片)
向大帥哥表白呢一場戲,喊到七情上面,令人睇到好心酸。(無綫電視截圖)

向大帥哥表白呢一場戲,喊到七情上面,令人睇到好心酸。(無綫電視截圖)
Zoie喺《EU超時超任務》色誘戴耀明令對方動L,被網友戲稱做「動L女神」。(無綫電視截圖)

Zoie喺《EU超時超任務》色誘戴耀明令對方動L,被網友戲稱做「動L女神」。(無綫電視截圖)

鍾意就快D Share啦!