2019年1月12日 星期六

【Bye~軍曹】讚張衞健係最佳演員 洪永城:不在TVB見,在江湖相見吧 __,TVB,張衞健,洪永城,

洪永城今日喺Ig講:「不在TVB見,那就在江湖相見吧!」(網上圖片)
【新增內容】「寧做雞頭不做鳳尾」、「誰大誰惡誰正確」…《大帥哥》噚晚大結局,最終「馬炭」洪永城改邪歸正,幫助張衞健追殺蒙大帥,更叫咗張衞健一聲「大哥」 ...


【新增內容】



「寧做雞頭不做鳳尾」、「誰大誰惡誰正確」…《大帥哥》噚晚大結局,最終「馬炭」洪永城改邪歸正,幫助張衞健追殺蒙大帥,更叫咗張衞健一聲「大哥」,重拾「Keroro軍曹」呢段兄弟情,洪永城變番忠誠嘅Tamama,將手榴彈掟去蒙大帥嘅軍車,最終馬炭不幸犧牲,當中有兩幕幾感人,其中一幕洪永城喺張衞健昏迷中同對方告別,稱自己同羅義都鍾意飲洋酒,叫張衞健倒喺地下畀佢,最後洪永城微笑住講:「保重啦!大哥!」而另一幕係講張衞健為咗蔡思貝放棄做大帥哥,睇到網民眼濕濕,讚張衞健演繹得揮灑自如。



噚晚一眾演員約埋食飯睇大結局,馬炭洪永城今日喺Ig貼出同張衞健嘅合照,稱「大哥,你成功了」,又指「我知道對你來說,這些都比獎項來得重要」,洪永城指未同張衞健合作前,已經聽過張衞健嘅事蹟,試過一個半月連續拍西遊記冇返過屋企,「每朝早0600需要兩位劇務大哥抬你上車到拍攝場地,直至2800依然需要抬你返回電視城,聽說有次坐船前往西貢小島拍攝,你大字形的睡姿躺在船上,化妝師替你貼孫悟空的面毛,因為太專心,暈船嘔吐在你臉上」。



講到城中熱話離唔開大帥哥,洪永城覺得張衞健係一個處理戲裏戲外最好嘅演員,作為演員除咗演技之外,好多戲外嘅層面都要處理,將所有工作細節安排得妥當,洪永城記得張衞健曾經講過「我份人一係唔做,一做就做到最極致、最好」,今次唔只教佢演技,仲教曉佢要有毅力去解決問題,同埋要有領導能力。



洪永城指張狄奇係最佳演員:「多謝你,多謝你這段時間帶領着我,也帶領着觀眾們,享受這兩個月的娛樂。『你瞧這些白雲聚了又散,散了又聚,人生離合,亦復如斯。』不在TVB見,那就在江湖相見吧。」洪永城暗示張衞健真係暫時唔再拍無綫劇。



洪永城今日回應傳媒就話:「好開心係咁多觀眾鍾意呢套劇集,一個感動嘅ending,唔開心係播完,同呢班大帥哥兄弟姊妹就會少見面(咁想唔想有續集?)套用大哥所講咩都有可能。」洪永城話封信係朋友幫佢代筆寫,「除咗網上keep住啲文之外,將來都可以睇番信封。」



而張衞健都喺微博留言多謝大家支持:「我聽說我的角色陪伴着一些朋友的成長,但我更感恩的是到了今天還可以在你們心中佔著一塊小小的角落!謝謝你們對《大帥哥》的支持!願天主保佑我們在人生路上繼續努力前進,不負愛我們的人吧!」



精選娛聞,喺晒《娛果》

http://fb.com/appledailyent



噚晚佢將一封由朋友代筆寫嘅信送畀張衞健。Ig圖片 噚晚佢將一封由朋友代筆寫嘅信送畀張衞健。Ig圖片
有時感謝嘅說話唔會講出口,但會用文字表達。Ig圖片

有時感謝嘅說話唔會講出口,但會用文字表達。Ig圖片
呢張相係《大帥哥》最後一日拍攝影嘅。Ig圖片

呢張相係《大帥哥》最後一日拍攝影嘅。Ig圖片
呢個就係信中嘅內容。Ig截圖

呢個就係信中嘅內容。Ig截圖
噚晚《大帥哥》大結局,之前網民估羅義扮死,結果羅義係冇「翻生」。(無綫電視截圖)

噚晚《大帥哥》大結局,之前網民估羅義扮死,結果羅義係冇「翻生」。(無綫電視截圖)
「馬炭」洪永城就改邪歸正。(無綫電視截圖)

「馬炭」洪永城就改邪歸正。(無綫電視截圖)
馬炭喺夢中與狄奇對話,希望得到對方原諒。(無綫電視截圖)

馬炭喺夢中與狄奇對話,希望得到對方原諒。(無綫電視截圖)
兄弟冰釋前嫌。(無綫電視截圖)

兄弟冰釋前嫌。(無綫電視截圖)
狄奇醒番,先知馬炭已死。(無綫電視截圖)

狄奇醒番,先知馬炭已死。(無綫電視截圖)
結尾講蔡思貝想離開狄奇。 (無綫電視截圖)

結尾講蔡思貝想離開狄奇。 (無綫電視截圖)
 狄奇為咗蔡思貝連大帥哥都唔做。(無綫電視截圖)

狄奇為咗蔡思貝連大帥哥都唔做。(無綫電視截圖)
個樣咁深情,難怪網民讚張衞健演繹得揮灑自如。(無綫電視截圖)

個樣咁深情,難怪網民讚張衞健演繹得揮灑自如。(無綫電視截圖)

鍾意就快D Share啦!