為財政預算案補鑊的4000港元關愛共享計劃又衰多一鑊！立法會議員田北辰指，該計劃自上周派發表格後，短短一周已收到數百名居民求助，指因無戶口而要領取支票，需親身前往位於觀塘的在職家庭津貼辦事處，令一眾新界西地區包括天水圍、屯門、元朗等地的居民，要花兩個多小時的來回路程及車錢攞票。田直斥有關安排「搵笨」，「政府依家派錢係咪派埋畀九巴同港鐵呢？咁荒謬嘅安排都做得出嘅！」
田北辰又指，市民對2011年全民派6000港元的印象深刻，當時政府安排各區郵政局取支票，惟現屆政府卻未有作出相關便民安排，質疑︰「究竟係呢屆政府個財爺(陳茂波)無牙力呀？定係呢屆政府個特首有問題呢？」在職家庭及學生資助事務處處長李忠善早前亦指，市民如欲領取現金支票，需到位於觀塘的職津處領取。
消息指，政府將「補鑊」公布增加收表地點，包括公屋辦事處。
來源 source: http://hk.on.cc
|
鍾意就快D Share啦！
|
|
|
