掃呢頁CODE去手機

2019年1月3日 星期四

【你家山發】85歲「周老闆」金剛賣聲 為餐茶再簽新經理人 __,金剛,

攝錄:沈健程、廖達燊
他叫金剛。相關新聞:【心肝脾肺腎】人老機器壞中邊樣?金剛:心臟有少少問題此金剛不同彼金剛。他不是在公仔箱講半鹹淡廣東話那位搞笑金剛,這位金剛原名叫周朝 ...


他叫金剛。

相關新聞:【心肝脾肺腎】人老機器壞中邊樣? 金剛:心臟有少少問題



此金剛不同彼金剛。他不是在公仔箱講半鹹淡廣東話那位搞笑金剛,這位金剛原名叫周朝杰,現年85歲,聽聲肯定認出他,因為他是商台播了半世紀長壽廣播節目《十八樓C座》中的周老闆。



金剛在廣播劇中聲演茶餐廳老闆,訪問當天,就相約他在西環一間茶餐廳,讓金剛跳出直播室來個角色扮演 ,他不但上身大講口頭襌「你黐筋啦」、「你家山發」,還坐陣收銀櫃枱前,幫手聽電話落外賣訂單。



「o依家好少人叫我金剛,自從做咗《十八樓C座》周老闆,好多人都叫我周老闆,我真名叫周朝杰,更加冇人知。」金剛對茶餐廳是有情意結,「我好鍾意茶餐廳,起碼經濟條件對我嚟講啱晒嘛,我哋入息唔多,嚟茶餐廳食嘢又平又抵,啱晒我哋香港人。」金剛和周老闆已連為一體,廣播劇會諷刺時弊,金剛說:「我代表周老闆角色,我冇立場,其實周街都有周老闆,佢就係簡單一個小人物,茶餐廳老闆多數鹹鹹濕濕,鍾意打牙骹,噴口水,見靚女招呼吓,見啲阿爺阿婆就唔招呼,嗰啲小人物,香港隨處係。」



金剛話當年,21歲時做過巴士售票員,有見工作古板沒前途,轉到港台做藝人,1964年過檔商台,一做便做到現在。金剛越老越起勁,即使過了退休年齡,但他仍幹勁十足,永不言休。金剛去年底簽了新經理人,準備今年有新發展:「我仲想新嘗試,除咗做廣播劇,仲做出面嘢,我唔需要搵人,人哋叫到我做乜就做乜,拍戲客串乜都得,有人搵咪做,老實講冇話乜嘢期望,我唔知經理人搵我做啲乜,我希望乜都做,如果唔做,做乜簽。」薪酬方面,金剛絕不計較,「你認為我值幾多咪畀幾多,o依家唔使我講,有經理人公司,我唔知自己有幾多價值,值幾多錢,經理人話我值幾多就幾多。」金剛活到老,做到老,學到老,他希望主要賣聲,畢竟聲演工作比較輕鬆:「最自在淨係賣聲,如果賣埋身咪拍電影囉,時間長,我最怕要等埋位,不過有錢收最緊要。」



金剛回想1964年跳槽商台,月薪只有500元,以今日生活指數計算,即約月薪6、7千元,他說:「掹掹緊㗎,咁以前一年加啲,我咁多年資歷,冇謂講加咗幾多,我o依家唔做,我下個月就冇糧出,咁即係冇得食,我唔係政府工,我哋冇長糧,我哋公積金唔多。o依家要搵食,但我唔食得幾多,當然希望將自己嘅嘢貢獻畀大家,所以我好多謝經理人公司,希望佢做好啲,幫我搵多啲,互相得益。好似當年打工捉襟見肘,我就唔想啦。簽咗經理人同我搵多啲錢,我有人工一日,孫仔周日有茶飲,仲整多兩碟炒麵。」



採訪:比華利

場地提供:金記冰室



精選娛聞,喺晒《娛果》

http://fb.com/appledailyent



編輯推介:



【向《喜劇之王》致敬】周星馳技癢監製變導演? 邱禮濤:你問番公司

https://bit.ly/2Au96OB



【浩南再遇細細粒】黎姿撐好友現身受訪 伊健難忘白恤衫因你變耀眼

https://bit.ly/2R4HKZN



【現感到身心暢快】切走部份胃部組織 洪朝豐避一刀劏肚

https://bit.ly/2Sx5PVT



【《男朋友》集集追】嗌完暫時分手 喬妹不捨飛車到束草搵朴寶劍

https://bit.ly/2TqJ1qR



【愛得癡纏】Justin Bieber情侶紋身紋上面致愛妻

https://bit.ly/2QjH3X9



攝錄:沈健程、廖達燊 金剛指周老闆是香港典型小人物。 金剛指周老闆是香港典型小人物。
金剛客串落外賣單。

金剛客串落外賣單。
金剛周老闆上身,催促廚房快出餐給客人。

金剛周老闆上身,催促廚房快出餐給客人。
金剛謂自己是茶餐廳常客。

金剛謂自己是茶餐廳常客。
金剛50年代做過巴士賣票員。(被訪者提供圖片)

金剛50年代做過巴士賣票員。(被訪者提供圖片)
金剛早年獲邀返巴士廠參觀。(被訪者提供圖片)

金剛早年獲邀返巴士廠參觀。(被訪者提供圖片)
金剛(右)反串扮秋香。(被訪者提供圖片)

金剛(右)反串扮秋香。(被訪者提供圖片)
金剛表示賺到錢,最愛帶一對乖孫去飲茶。(被訪者提供圖片)

金剛表示賺到錢,最愛帶一對乖孫去飲茶。(被訪者提供圖片)

鍾意就快D Share啦!