2019年1月28日 星期一

英足盃:新碧咸累輸波 熱刺四日內本土盃賽全出局 __,碧咸,

(法新社)熱刺於四日內,兩個本土盃賽全數被淘汰!英足盃第四圈賽事,傷兵滿營嘅熱刺作客水晶宮,上半場客軍表現曳到極,先有小將發波瘟禁區內犯手球輸12碼, ...


(法新社)


熱刺於四日內,兩個本土盃賽全數被淘汰!英足盃第四圈賽事,傷兵滿營嘅熱刺作客水晶宮,上半場客軍表現曳到極,先有小將發波瘟禁區內犯手球輸12碼,之後輪到自己獲得12碼時,被封為「新碧咸」嘅捷比亞主射竟然連龍都唔中,最後淨吞主隊兩蛋,繼早前英聯盃四強射輸12碼畀車路士後,短短時間內連英足盃都出埋局,認真羞家。

缺少哈利卡尼、孫興民、迪利阿里嘅熱刺,今場仲收起中場大將基斯甸艾歷臣,用洛蘭迪、盧卡斯莫拉攻堅,陣容可謂天琺地缺。水晶宮本季表現唔曳,早前擊敗曼城,輸畀利物浦亦都迫到對手抖唔到氣,今仗有主場之利踢得信心十足,舒洛比壓入禁區勁射被救出,域咸門前補一腳,9分鐘就為水晶宮打開紀錄。熱刺雖然上半場控球較多,但攻勢不甚入肉,盧卡斯莫拉遠射僅高出已屬較有睇頭。34分鐘熱刺送大禮,小將獲加彼德斯禁區跳起頂唔到個波,竟然用手撥走個波,球證直指12碼點,安祖斯唐辛操刀搞掂擴大比數,呢名前熱刺球員拒絕慶祝勁有品。熱刺之後禁區頂獲得罰球,捷比亞傳畀尼高杜呃晒對手,但後者空晒兩番抽射都過唔到對手門將。完半場前客軍仲獲得12碼,但被封為「新碧咸」嘅捷比亞一射龍都唔中,半場主隊領先2粒。

換邊後熱刺冇乜起色,雖然先後換入拉美拿同雲耶馬,但都未能對水晶宮大門有大威脅,67分鐘,捷比亞接應隊友妙傳,於右路第一時間出波,但隊友僅差一步未能埋門,78分鐘拉美拿於禁區頂左腳一抽,有力度冇角度被接實,最終熱刺連蛋都破唔到,輸0:2完場第四圈止步。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...