2018年旅客量據悉已破開埠紀錄，大幅超越現紀錄2014年的6,083萬人次，隨時多幾百萬旅客達「癲」峰。數據亦顯示本旅遊業越來越依賴內地旅客，內地客佔整體旅客比例由沙士前僅40%，激增至去年首11個月近80%。旅客亦早由旅遊區走入更多民居，因內地客湧現而衍生的商戶組合改變、交通及衞生等問題，亦惹起港人反彈。有居民形容旅遊業只靠內地客維生，情況有如「慢性自殺」。
記者：袁楚雙
去年頭11個月有5,856萬人次到訪，按年升10%；當中4,591萬人次都是內地客，按年升14.2%，佔總旅客量78%；光是11月便有463萬內地旅客，平均一日接待逾15萬人，按年升幅達25.8%，多位業界相信與高鐵及港珠澳大橋通車有關。而且12月業界客量都有升無減，按此升幅推算，12月內地客量會有逾500萬人，加上逾100萬外國客，令2018年全年總數料達約6,500萬人次的「癲」峰。至於確實數字有待旅發局本月底公佈。
2014年旅客高峰期時，靠近羅湖口岸的上水、大埔、沙田等因內地客湧現地區居民怨聲載道，而近一年情況更有擴散到更多區跡象，如土瓜灣就面對團客問題。居民Michael遷入翔龍灣廣場低層兩年，早上經常被樓下的旅行團、擴音器或塞車響咹聲嘈醒，而屋苑商場唯一的酒樓卻不接待居民，入內沒有職員招待，只有一枱枱吃碟頭飯的團客，負責人更向記者稱不做散客生意，「（碟頭飯都冇？）冇呀！（報團先有嘢食？）係呀。」
Michael指商場的凍肉超市結業，改開專招待團客的朱古力店，一包糖動輒幾百至上千元；二樓超市多了堅持用手機app付款的內地團客，但手機app失效時又改付現金，令街坊排隊時間大增。Michael批評團客踐踏屋苑花槽、亂丟垃圾，在行人路聚集吸煙，令整個環境質素每況愈下。
新碼頭街內地團關注組發言人Cindy憶述，當年地產商標榜翔龍灣廣場配套完善，巴士站、碼頭、超市、食肆、酒樓齊全，「當初買樓冇諗過咁多人住嘅社區、大商場，開咁多團客嘅舖頭」，她指地產商一度想改劃商場其中一部分做團客手信街，唯居民強烈反對才暫時倖免，「土瓜灣本身唔係設計成旅遊區，」Cindy強調，「或者土瓜灣區租金相對OK，旅遊巴泊位又喺呢度，一條龍維港遊。」但人流大增道路不勝負荷，「旅客又好洶湧，變咗居民出入同旅客對撞，我哋行出馬路返屋企都有困難。政府配套上做得唔好」。
面對內地客飆升，Cindy認為自己算包容，然而內地人多，「十幾億喎！佢每日落嚟我哋肯定負荷唔到，所以點解咁多區發聲。政府分流上應該做好啲，如果唔係間接造成好多衝突。」Michael認為團客帶來的衞生、嘈音及交通問題，難免對他們印象負面，旅遊業依賴內地客賺錢「我個人覺得係一個慢性自殺」，每逢旅遊業有少許下滑跡象，便有人倡議再擴大內地旅客市場托起香港經濟，卻犧牲居民生活，變相由居民付出，「到各方中國人都好有錢，冇人嚟香港喇，咁仲有邊個會嚟？」
另一邊廂，周末的屯門市中心人山人海，商場藥房外的通道擠滿「篋神」（拖篋旅客）在通道執拾戰利品、等人；另一商場的名牌化妝店則築起排隊路線恭迎旅害；商場外前往深圳灣口岸的B3X巴士站，輪候人龍不時逾百。
在屯門長大的黃先生指，從前沒有內地人來購物，自從B3X路線開通後，水貨客、內地客日多，現時內地人滿目皆是，名店、化妝品店、藥房也隨之越開越多：「可能屯門人特別容易病啩，好多藥房」，他認為內地客滋擾，源於他們只顧自己不理他人感受，「個篋碌到你隻腳但係掂行掂過，行行吓會踎低，超市買完嘢就咁係收銀機隔離執篋，完全唔理人。」他作為居民感覺煩厭，現時放假索性不落街，斬腳趾避沙蟲。
| 據悉2018年訪港旅客量達約6,500萬人次的「癲」峰。 | | |
| | | |
| | | |
| | | |
| | | |
| | | |
| |
|
鍾意就快D Share啦！
|
|
|