嘩！真係好Sweet呀！藝人韋家雄上年10月迎娶「銀行之花」鄧楚雅（Keynes），點知婚後未夠半年，今日東網收到讀者爆料話韋家雄喺深圳K場攬啜靚女， ...
藝人韋家雄上年10月迎娶「銀行之花」鄧楚雅（Keynes），點知婚後未夠半年，今日東網收到讀者爆料話韋家雄喺深圳K場攬啜靚女，仲附上一段短片。而片中所見有一名女士使出「迷魂箍」箍實韋家雄，繼而再送出肉嘴，啜爆佢兩次，而該女士都表現得非常High，當韋家雄唱K時，佢就手舞足蹈。
東網即刻Send條片畀韋家雄查明究竟，佢就透過短訊回覆話該女士係佢老婆，當日佢話係喺深圳出席朋友公司年飯，帶埋老婆去，跟住去唱K，記者問到你老婆High過你？家雄就話佢好鍾意唱K，仲話老婆咀得佢好肉緊添。
