掃呢頁CODE去手機

2019年2月4日 星期一

【被爆疑似激咀34D Model】鄭俊弘返港嚴管女友胸口 唔俾何雁詩著Deep V __,何雁詩,鄭俊弘,

鄭俊弘近日被爆喺峇里偷嗒34DModelBebi,仲被爆出疑似激吻照,不過女友何雁詩對男友表示百分百信任,話相中人唔係阿Fred。喺峇里就玩得開心,返 ...




鄭俊弘近日被爆喺峇里偷嗒34D Model Bebi,仲被爆出疑似激吻照,不過女友何雁詩對男友表示百分百信任,話相中人唔係阿Fred。喺峇里就玩得開心,返到香港,阿Fred對女友都展示關心。

呢日兩個又去散步放狗,上次《壹》仔就驚爆佢哋用電擊頸箍虐狗,被全城鬧爆嘅佢今次終於轉返用普通頸圈。兩個行咗陣,就搵間餐廳坐低食Lunch,見何雁詩除低件褸,原來入面著住Deep V恤衫,阿Fred見到即刻叫佢拎件褸遮返住,何雁詩聽到後笑笑口著返件褸。凳都未坐暖,就有人過嚟搵阿Fred影相,果然大台力捧係有啲效果嘅。雖然阿Fred叫女友著返件褸,但何雁詩著一陣又除,除完又著。都唔知兩個人耍咩花槍!不過何雁詩對住阿Fred不斷甜笑,成程心心眼,睇得出佢好冧男友。食得七七八八,何雁詩去隔離買多份外賣,兩個就慢慢行返去停車場攞車。期間何雁詩隻狗仔,衝咗去搵第二隻狗玩,何雁詩睇到笑得好開心。不過阿Fred就行到好遠,唔知係咪諗緊峇里單嘢點拆呢?


鍾意就快D Share啦!