東網巨星推出全新節目《家有B事》，邀請圈中星級父母如藝人黎諾懿、張慧儀、周家蔚、郭羨妮、李漫芬、莫家淦、陳爽、拍賣官金鈴以及名模Ana R.等人，與大家分享育兒心得及照顧子女趣事。
首集邀得早前喺無綫劇集《BB來了》飾演新手爸爸嘅藝人黎諾懿，雖然劇集佢係新手爸爸，但現實佢絕對唔係，2017年佢太太李潔瑩為佢生咗仔仔黎峰睿（小春雞），小春雞憑得意到爆嘅樣，於網上人氣高企，深得網友歡心。
黎諾懿雖然工作好忙，但照顧兒子就絕不假於人，仲有一套育兒心得，「阿仔好怕我發惡嘅，我都會話佢一句峰峰，然後用眼神望住佢，再用音波功去煩佢，話畀佢知NoNo，咁樣係唔啱呀，小朋友係會經歷曳嘅階段，我細個都曳嘅，所以我都會縱容佢有少少曳嘅！」
黎諾懿現身說法講述點樣同小春雞相處，仲有大批兩父子生活片段，立即去片睇「Hipp喜寶」特約《家有B事》！
來源 source: http://hk.on.cc
|
鍾意就快D Share啦！
|
|
|