林秀怡以嘉賓身份，現身日前一集《後生仔傾下偈》，討論「被當透明」呢個話題。林秀怡指自己曾經被同劇演員無視，搞到傷心咗勁耐：「有個同事雖然無對手戲，但見過幾次㗎喇，咁喺化妝間我就好興奮咁同佢講Hello，跟住佢純粹望一望我，之後就繼續做佢自己嘢。我嗰下呆一呆，之後傷心咗勁耐，返到去諗自己係咪做錯咗嘢，又或者係咪得罪咗佢呢？無吖，我哋都無合作過，應該無講過嘢㗎。」
憑住同劇但無對手戲呢一點，陸浩明一估就估中咗涉事人係麥明詩，佢同馮盈盈更異口同聲，立即代麥明詩向林秀怡講對唔住。陸浩明仲身同感受咁話：「佢有時返到嚟《後生仔傾下偈》都唔會同我哋打招呼㗎，麥明詩又真係唔抵幫嘅！」至於原因，唔係因為麥明詩無禮貌目中無人，陸浩明解釋：「佢唔係神經大條，係大幾條。」所以，林秀怡就唔好再擺喺心上喇，麥明詩見到人都記得講返句唔好意思喇。
來源 source: http://nextplus.nextmedia.com
|
鍾意就快D Share啦！
|
|
|
