女人40一枝花，正是楊思琦的寫照，剛踏入40歲，思琦先推出噴血寫真，成績口碑比同期的「o靚模」好得多！最近思琦又有新挑戰，她找來著名監製陳浩然幫忙推出單曲《愛的森林》，思琦說：「40歲係一個特別嘅年份，之前就影靚相出寫真做慈善，之後有同人講我好鍾意唱歌，自己喺電視台都唱過兒歌，曾經攞過獎，亦唱過電視主題曲，所以傾過不如嘗試出首單曲，好多人覺得森林係茂盛、嫩綠、豐富，好多姿多采，又有人覺得愛情係好冒險，可能對愛情有唔同睇法，我會唱吓自己嘅經歷、同大家分享吓，希望大家有同感。」除了和大家分享愛情經歷，經常到內地工作的思琦也希望出廣東歌，希望多留港發展。
思琦剛剛在大陸拍完劇集《80度愛戀》，飾演女強人，感情世界錯綜複雜又曲折，問到她的感情世界，思琦謂：「我覺得都不過不失最開心係有咗小朋友，將感情轉移去家人嘅愛，其餘對愛情都好期待嘅，睇吓幾時來臨。」思琦和舊愛李泳豪有過一段9年的愛情長跑，之後就是和囡囡卓穎（穎穎）的爸爸吳帥有過一段情，回想起這兩段感情，思琦說：「每個人都有唔同嘅經歷，可能同其他人比唔知多定少？其他人可能有更加多，我嘅每段感情都學習到嘢，人生到老可能要遇到啲嘢令妳更加唔同，所以唔知會再遇到咩類型嘅人，令我更加唔同？」思琦直言感情是沒有對錯，她說：「我唔會覺得失敗，好難用對錯去形容，但係享受當中嘅過程，睇吓點睇感情嘅關係。」
對於尋覓對象，思琦還有期盼，那麼思琦又有甚麼擇偶條件呢？她笑指：「其實好簡單，唔係外貌行先，因為年紀大咗，覺得想搵啲心態成熟、思想成熟啲嘅男士，因為佢哋成熟啲會諗到我嘅需要，識得點去愛我同我嘅屋企人，所以最緊要係個心，對我同屋人好就夠。」
多年來思琦和「富商」、「貪錢」等字眼扯上關係，問到思琦對此有甚麼想法？是不是想找個有經濟能力的伴侶？思琦笑謂：「乜我喺你哋心目中係咁㗎咩？我諗時下女性可能大部份都有呢個諗法，唔單單係我自己，好多女仔都有咁嘅諗法，有好嘅經濟能力，收入穩定，樣樣嘢smooth啲，唔會有其他嘢出現，我會咁諗。」但思琦現階段最想自食其力，她說：「希望自強先，可以喺做嘢方面發吓力，有收入來源支持自己先，因為如果單靠遇到個有錢嘅其實好渺茫囉！比較投機，未必畀你遇到，但自己點做就會有把握多啲，做好自己，暫時OK嘅。」
恩琦囡囡已經6歲大，雖然做了單親媽媽，但思琦依然對婚姻充滿憧憬，她說：「可能冇結過，都好想結吓！而家都有追求者，希望快啲遇到真愛。我唔抗拒再生小朋友，因為自己都好鍾意，同埋我囡囡成日問我幾時有little brother，佢好想有個細佬，睇吓有冇機會，唔勉強嘅，有句我好鍾意嘅歌詞：『當相信愛情靠信任，要找的人憑我用決心吸引』我相信自己有優點終會吸引到啲人喜歡我，我好樂觀、關心人，大家嚟感受吓」會不會想組織新家庭？思琦笑謂：「都想，不過唔知會點呢？因為自己有個家，如果又組織一個家，咁多step唔知會點。」
精選娛聞，喺晒《娛果》
http://fb.com/appledailyent
第二屆最港電影大獎投票網址
https://bit.ly/thekongestfilmawards2018
10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|
