潘源良與七位音樂人Edmond Leung、Tommy Ho以及去年跟他拉埋天窗的太太Rita Ip等，於今日開始在灣仔的藝術中心舉行《潘源良生炒廣東話之有辣有唔辣》二次唱作音樂會。之前社會討論版權法，對於二次創作有着不同的見解，在爭議聲下，潘源良以創作人身份力撐。音樂會上，他會把自己的歌曲歌詞改頭換面，或是將一些大家耳熟能詳的歌曲改寫。
昨日眾人在表演場地進行綵排，少有公開唱歌的潘源良拿起咪唱着二次創作後的「新曲」：「主要用自己較多作品，亦有啲vintage嘅，有啲好舊，2、30年代，或者民族歌曲，嗰啲有咁多年代，文化久遠，到而家人人都聽過，可能你細個聽過但唔知咩歌，但係印象好深刻嘅，一聽就聽到出嚟。」
潘源良將《Sometimes When We Touch》、《IQ博士》、《大丈夫》等歌曲，經改編、改詞後，談到社會上的各種大小民生議題，如多年來很多香港人爭取的普選、之前立法會出現的DQ事件、佔中時的暗角事件、及近日談論最多的醫療問題。連過去的特首也被填入歌詞中：「梁振嘟⋯最配大龍蝦」、「空姐炒咗思歪出馬」。輕鬆的音樂和鬼馬的歌詞，必讓入場觀眾重溫一次沉重的過去：「訊息唔會講，畫公仔畫出腸就冇癮，個個人理解不同。希望二次創作只集中喺歌詞上，若只係改歌詞，歌詞唔會有活力，要改完之後連音樂編排同表達嘅方法，咁樣成件事首歌先活過來。」
很多原創人未必喜歡自己的作品被二次創作，潘源良卻大力支持，亦歡迎自己的歌詞被改寫：「二次唱作嘅歌曲好過癮，大家可共同參與繼續下去，同埋二創歌曲與廣東話微妙嘅化學作用好值得大家珍惜和重視。」他覺得所有作品發表後已成為文化一部份，繼續延續下去會有變化：「等於貝多芬寫好多交響樂，佢嗰個年代係有佢哋嘅指揮或點去合作來演繹，到今時今日就算你哋係幾大嘅指揮家，你夠唔夠膽話而家你演繹嘅就係貝多芬嗰個？其實都係二次創作，因為喺文化洪流中，年代向前推，今時今日呢首歌畀我哋感覺，我哋應該點去演繹佢都一樣，有時有啲歌詞，喺廣東文化裏面有變化，令首歌聽落同感覺完全唔同。」
今次與太太Rita合作，潘源良感謝太太在音樂上給予很多幫助、見解和創作，自言自己在音樂上認識實在太少，笑指太太分毫未收，感激她拔刀相助。在旁接受訪問的Rita多數以笑回答：「同佢合作好開心，佢好open to ideas，好可以去聽唔同意見，聽我提議再考慮，有商有量，衝擊下出來啲嘢真係精采啲。」大家在合作上擦出不少火花，潘源良謙稱夫婦合作並非天下無雙，其他合作的音樂人也獨當一面。
綵排日適逢是情人節，是二人結婚後的首個情人節，但要在工作中度過，潘源良笑得蠱惑：「我哋情人節唔係今日，我哋另外有一日情人節，暗地裏二人知道，唔話你知，嗰一日我哋慶祝過。」很多人從歌詞認識潘源良，或會以浪子來形容，Rita眼中的他是很浪漫的人，嚴肅但好玩：「我梗係覺得同佢一齊好浪漫，同佢一齊創作我都覺得好浪漫，玩音樂本身係好浪漫的事，我十分enjoy一齊玩音樂，以前我哋一齊有啲朋友，初一、十五出席一齊jam歌，嗰啲時候已經好享受。」
Rita最欣賞潘源良對人對事很有心，善良又為人着想，也能為大局着想，潘源良不願多數太太優點，怕掛一漏萬，但覺得二人很夾：「好多嘢好夾好難得，我哋啲咁嘅人搵個人夾到係難嘅。」很多時候二人的想法可以不謀而合，不用多說話已很有默契：「好多人也恭喜我。佢喺多倫多長大，我喺香港，當我哋舊年婚禮前後，我哋有好多嘢預備，點去預備間屋，等對方過來可以用到嘅空間，有乜方便對方，發現佢預備嘅同我預備嘅，喺兩個不同地方，亦不謀而合地啱用，呢個係幾難得例子。如果唔係整到『岩巉』出到嚟要改就太麻煩。」Rita覺得二人也是有要求的人，但大家各自為對方做的事，對方也很滿意。
潘源良離過婚，又與李麗珍過去的多番離合，李麗珍早前接受訪問，二人2016年分手後，曾一度等待復合，潘源良回應此事，引用了莊子《大宗師》的「相濡以沫，不如相忘於江湖」，直接又簡單回應，希望大家都能找到闊大的江水湖海繼續生存，潘源良謂：「當然希望佢有新天地，佢而家都話喺度突破緊，希望佢好，希望每個人都好。」二人能否做到再見亦是朋友？他直接的說：「唔打算再見，相忘於江湖吖嘛，已講咗啦，我唔再答佢嘅問題。」面對丈夫豐富的情史，Rita對二人的將來很有信心：「我覺得我同佢都係向前望，展望將來，過去完全唔影響我哋。」
精選娛聞，喺晒《娛果》
http://fb.com/appledailyent
第二屆最港電影大獎投票網址
https://bit.ly/thekongestfilmawards2018
10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI
編輯推介：
【Let It Go~】《魔雪奇緣2》首條預告登場 Elsa踏浪遠征
https://bit.ly/2DOBqfF
【韓流】愛妻懷孕9周 37歲格鬥家金東炫升呢做老竇
https://bit.ly/2SzHEdv
【稍後補辦婚宴】講述求婚過程 李彩華稱似食錯藥咁：我喺度狂笑
https://bit.ly/2X3IptR
【認字特警都要走】「御用強姦犯」約滿走人 李天翔：離開並不代表放棄
https://bit.ly/2tmOpjS
【不尊重賭王】斥風水師博宣傳 超蓮澄清：種生基同點續命燈係假嘅
https://bit.ly/2Nd8baF
|
鍾意就快D Share啦！
|
|
|
