掃呢頁CODE去手機

2019年2月6日 星期三

陳凱琳旺氣逼人 龔嘉欣摸肚搶住嫁 __,鍾嘉欣,陳凱琳,龔嘉欣,

佗豬B的陳凱琳幸福滿瀉,難怪姊妹都爭住摸其肚皮沾旺氣。
陳凱琳旺氣逼人龔嘉欣摸肚搶住嫁「少婦聯盟」四女感情路各異,陳凱琳去年下嫁鄭嘉穎後佗B,坦言會狂派利是分享福氣;沈卓盈及譚凱琪同樣有穩定圈外男友,不排除 ...


陳凱琳旺氣逼人 龔嘉欣摸肚搶住嫁

「少婦聯盟」四女感情路各異,陳凱琳去年下嫁鄭嘉穎後佗B,坦言會狂派利是分享福氣;沈卓盈及譚凱琪同樣有穩定圈外男友,不排除閃婚做豬新娘;至於年年有買桃花的龔嘉欣卻未有着落,難怪她輕摸幸福人妻陳凱琳的孕肚,望沾上旺氣,祈求豬年搶閘做新娘。

陳凱琳(Grace)、龔嘉欣(Katy)、沈卓盈(Jess)及譚凱琪(Zoie)因拍劇結緣組成的「少婦聯盟」,年初二跟各位讀者拜年送祝福!最年輕的Grace去年率先跑出成為人妻,更成功造人佗豬B,身形超瘦削的她愈來愈有福氣,直言很期待今年首次派利是,希望分享福氣人人有份:「見人就派,係祝福嚟,派多啲!」

譚凱琪Keep住激情

問到覺得誰會繼Grace之後成為人妻?似乎Jess及Zoie都有極大可能,Zoie跟圈外富豪男友莊日宇拍拖七年,早已視對方為結婚對象,問會否今年成為豬新娘?Zoie說:「結婚呢件事係會發生,時間未知,最近多咗人關心,我都要計劃吓,我哋有共識,但就未決定咩年份,事業再做好啲先。」Jess形容兩人感覺似「老夫老妻」,Zoie說:「唔係o架!唔想冇晒衝擊,每一日都仲了解緊,我好開心佢好重視我。(閃婚?)都幾好喎!我未必係咁衝動嘅人,但可以考慮。」而Dry了一段時間的Katy表示以往每年都會買桃花,人緣見效但感情運欠奉:「唔會擺咩陣,月老自然會安排。(姊妹介紹男仔?)冇呀!依家工作忙,瞓覺都冇時間,如果拍拖都對另一半唔公平,遲啲先。」且看她能否沾上姊妹旺氣,後發先至搶閘做新娘。

譚凱琪(左)近日密密接Job,難得相聚當然要食多啲!
  • 譚凱琪(左)近日密密接Job,難得相聚當然要食多啲!
龔嘉欣年年買桃花擺陣都無助催旺姻緣。

  • 龔嘉欣年年買桃花擺陣都無助催旺姻緣。
蜜運中的沈卓盈好事近。

  • 蜜運中的沈卓盈好事近。

沈卓盈講明秘婚

至於Jess與從事內衣生意的富貴男友Calvin拍拖三年,感情穩定,她直言大家都朝結婚方向發展:「我諗會結咗先同大家講。(今年內?)多謝祝福先,到時大家會知。」

工作方面,Zoie早前憑《大帥哥》「天嬌」一角人氣急升,很開心多了街坊熱情Say Hi,她直言會對工作更嚴謹,把握每次機會,現正拍攝《降魔的2.0》,希望有另一個令觀眾記得的角色。Katy去年拍下多套劇集,有機會今年內「連珠炮發」:「試咗好多唔同嘅嘢,之前拍《幕後玩家》大家以為我喊戲冇難度,但拍《包青天再起風雲》角色好慘,發現喊戲都有唔同演法,跟住《殺手》就打到飛起,依家仲有傷患,手指骨仍然係歪,希望劇集播出會見到成果。」已離開無綫東家的Jess期待新一年有更多挑戰及嘗試:「好感恩幫自己接到工作,好享受做啲未做過嘅嘢,啱啱拍咗旅遊節目,之後想拍電影。」而Grace的新年大計自然離不開家庭,寄望BB跟老公一樣靚仔,至於復工計劃,她說:「我好鍾意做嘢,未必會入劇組住,但一樣唔會畀自己太懶散。」

場地:Cubus28/Barry@relaxdearhk






鍾意就快D Share啦!