鄭中基（Ronald）在年三十晚於紅館舉行一連五場演唱會，今晚揭開序幕，與歌迷迎接農曆新年。
在倒數之前，先由杜汶澤擔任嘉賓，他相當得意表示：「唔係我仲有邊個呀？第一晚喎！」阿澤之後幫老婆田蕊妮的個人大碟賣廣告，又向歌迷推介自己網上節目。
阿澤又說與鄭中基識於微時，兩人經常飲醉酒，又提到其中一次經歷：「有次我哋去人哋婚禮又飲醉咗，見到林小明我哋同佢講，不如你開套戲畀我哋，打贏周星馳。林小明話諗咗套戲好勁，叫《重案黐孖GUN》，個GUN字係英文所以好勁，之後鄭中基同佢講，如果你『黐孖』都係英文就真係勁喇，之後林小明黑晒面，我哋之後都好少開佢工。」
在阿澤暢談期間，鄭中基上台插嘴：「喂，唔好再講林小明，今晚呢個騷佢有份。」全場爆笑，鄭中基又「補飛」道：「其實我未換好衫，其實我之前唔係咁嘅意思㗎，小明哥。」
兩人又在台上互相祝福，阿澤祝鄭中基連生貴子，鄭中基就代阿澤宣佈：「我要同大家講，佢真係大隻咗好多，我哋要恭喜佢先，佢之後要出賽參加健美比賽。」
兩人一來一往直至凌晨12點倒數，台上有放煙花，然後一齊唱《時間人物地點》。兩人又到台邊向觀眾逗利是，但不是每位觀眾都帶利是，被阿澤講笑話：「有冇搞錯！」
然後鄭中基唱《無賴》並多謝太太，在自己準備演唱會期間，太太辛苦照顧家庭。
10萬蚊 30人分！《動腦Q》新春Q多寶
年三十至初三 3:15pm、10:30pm
豬年動腦，Q多啲money！
http://bit.ly/2QW8LcI
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
