鍾欣潼（阿嬌）去年和台灣老公賴弘國結婚，今年以人妻身份過年，夾着兩地文化的她預備好港台兩種貨幣紅包，加碼又加量派雙封利是，努力學習做個持家好老婆，同門關智斌（Kenny）、吳浩康（Deep）、許靖韻紛紛送上祝福，望阿嬌早生貴子、三年抱兩、越來越靚，他們一輪嘴送祝福望逗利是，一臉幸福的阿嬌說：「講多啲啦，未夠呀，繼續講。」對大家祝福一一接收，踏入豬年阿嬌想生BB，為食的她也希望「猛食都瘦」。
阿嬌率同門Kenny、Deep、許靖韻農曆年寫大字祝福廣大巿民豬年家肥屋潤，阿嬌去年得到滿滿的愛，寫上「愛你們」送給粉絲，即被大家取笑：「係愛呀！」及後當阿嬌準備好紅包後，眾人連環說出祝福語，除了希望阿嬌生B外，不斷稱讚她又瘦又靚、生完好瘦、快高長大等，o氹得阿嬌笑不攏嘴：「我都未生，我過咗長大年齡，你哋繼續講啦。」此時大家都有意在阿嬌手上搶利是，被阿嬌取笑：「你哋啲手好咸濕。」
阿嬌續說：「進入人生第二個階段，第一年做人老婆開始要派利是，要派雙封，諗緊係台幣定係港紙，跟老公派台幣感覺係咪好啲呢？」Kenny和Deep極力要求阿嬌派港幣，最好兩張金牛夠好意頭。阿嬌聞言說：「得啦，我會識做。」阿嬌結婚時曾向老公賴弘國講過：「你能幫我懷孕嗎？」新一年突然有想當媽媽念頭，阿嬌說：「本身冇諗住生BB，但係突然又有呢個諗法，我個人諗嘢好飄忽，覺得生BB唔係壞事，隨緣啦。」Kenny表示會送補品給阿嬌老公。
阿嬌雖然成為了賴太，感覺分別不大，她自豪被稱作太太：「最大唔同係多咗一個愛我嘅家庭，多咗一個身份，我姓賴㗎，多咗一個責任去維繫大家關係，希望可以學到點樣做一個老婆去持家，人長大咗希望進入一個新階段。」
農曆新年期間，阿嬌和老公會去度蜜月，其餘時間會在台灣過年。阿嬌開心今年可以派雙封利是，她說：「量同碼都會加倍，我覺得大家開心冇所謂，利是派咗好多年，開工利是一定要畀，公司同事幫我好多，我結婚個個都傾巢而出幫我，Kenny幫我做主持，仲得到花球。」
Kenny早年在大陸搵人仔，今年終於回港工作跟港迷見面，他說：「終於可以返屋企喇，唔使喺賓館瞓覺。呢幾個月我都喺香港度過，最開心有一班朋友，之前生日佢哋有幫我搞party，我好多年冇喺香港過生日。」另一方面Kenny也感受到和家人相處的溫暖及窩心，下月開劇，新年會好好叉電。歌唱事業安排，他去年和張致恆（Steven）合體騷反應叫座，Kenny說：「我都好被動，我要睇我拍檔頭，Steven開完騷之後好忙，我搵親佢都話去咗橫店工作，而且大家唔同公司，要佢大少得閒有興趣同我合體搞騷都要睇佢意願。」Kenny一直有投資，是圈中小富豪，他說：「慶幸當初聽老闆講將啲錢唔好亂咁使，我好大使，我都要努力做嘢供樓。」Deep立刻笑謂：「上車就扮落海。」
肖豬的Deep今年屬本命年，犯太歲，他表示過往曾經有擔心過，但人成長後會聽取意見。Deep曾經歷過事業低潮，去年再努力，成功開騷，上月到澳門開騷，豬年最大心願是踏上紅館，希望達成人生最大願望，現已入紙申請：「不到紅館心不死。」小師妹許靜韻有別號「小背心」，她笑指：「呢個係另一個身份，另一個嘅我，本人一直都有寫歌，但未試過填詞，最近填開覺得好難，填詞人好偉大，我都希望新一年可以繼續出新歌同創作，亦有心願想好似師兄師姐佢哋開騷。」
採訪：卓寶花
攝影：陳慧安
攝錄：廖達燊
場地：Mustard Seed Co-working space
10萬蚊 30人分！《動腦Q》新春Q多寶
年三十至初三 3:15pm、10:30pm
豬年動腦，Q多啲money！
http://bit.ly/2QW8LcI
精選娛聞，喺晒《娛果》
http://fb.com/appledailyent
【編輯推介】
【法官唔批】要求利是錢加碼至20萬 梅媽：新抱返?又食又住
http://bit.ly/2Tw25nY
【入行39年】上大陸賣力宣傳新戲 56歲周星馳：我早就過氣了
http://bit.ly/2WAE7df
【爆相爆片．桃色事件後續】鄭俊弘、何雁詩拍拖出埠避年 趕做豬年新娘？
http://bit.ly/2S6PAmj
【胡迪牧羊女拍拖登場】《反斗奇兵4》最新片段曝光 巴斯光年變攤位景品
http://bit.ly/2UEUjbk
【韓流】台灣過新年！Sulli Ig貼繁體字菜單掀罵戰
http://bit.ly/2t4qghC
|
鍾意就快D Share啦！
|
|
|
