劉嘉玲、陳柏霖與《皓鑭傳》男星茅子俊等，今天於中環出席品牌活動，嘉玲為品牌設計經典手袋作展覽，她表示手袋以花作主題，原因是自己特別喜歡花，而花與人生息息相關，她說：「今次已經係第2次為品牌設計，第1次係10幾年前，覺得幾好玩，又唔限制主題，可以天馬行空，個袋會拎去意大利博物館做展覽，自己都希望可以生產，都可以嘗試吓自己嘅品牌有多啲設計，好似手袋或者飾物。」
提到昨晚amfAR的慈善晚宴，嘉玲表示很好玩，而對於甄子丹夫婦爆遭大會不禮貌對待（新聞連結： https://bit.ly/2Fy2NeH ），嘉玲表示不知情，她說：「我唔知道，我有見佢哋喺backdrop影相。」嘉玲還反問事情發生經過，記者指子丹夫婦自稱遭歧視，嘉玲說：「我就唔覺得有咩歧視我，我想入場嘅時候門都未開，都係傾吓偈、飲吓嘢，因為人實在太多。」問到當時場面混亂嗎？嘉玲說：「又唔覺得混亂，呢啲場合就係咁多人，自己要照顧自己，我都要自己搵位唞吓氣，係好多人會影相，但OK」問到有沒有被人大細超？她說：「我唔覺得有人對我大細超。」至於會否覺得對方太敏感？嘉玲說：「我唔知道真實情況，但係我都見到好多中國人同埋香港人喺度呀，等我了解咗件事先。」
另外，陳柏霖專程來港出席活動，他表示去年忙工作，現正於台北休息，陪伴家人，他更暗示有時間可以拍拖，但被追問下卻拉開話題。而陳柏霖早前被揭年初曾到近日捲性接待醜聞的BIGBANG前成員勝利的夜店，因而被指跟對方扯上關係（新聞連結： https://bit.ly/2CkIhxk ），陳柏霖回應說：「我們是朋友，他的行業、做甚麼我不知道。」問到日前在IG發感言，似澄清跟勝利關係？問到他跟對方相熟嗎？陳柏霖說：「沒有澄清關係，是朋友、是朋友。」陳柏霖說罷即被工作人員阻止記者繼續發問，並帶他離開，陳柏霖也禮貌說：「唔好意思。」
另外，大陸男星茅子俊因《皓鑭傳》走紅，他自言因此劇令他酬勞三級跳，他謂希望有機會來港發展，茅子俊謂有多套劇集正在洽談，並將接拍一部古裝劇，問他有關「限古令」有影響他工作嗎？茅子俊說：「其實沒有太大標準，喜歡的我便會拍，不會因政策而變更，我會選擇喜歡的題材。」他又謂喜歡拍正能量的劇集。
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/UkZT7poxmV
|
鍾意就快D Share啦！
|
|
|
