歌手許廷鏗（Alfred）在紅館開騷，吸引不少圈中人來捧場外，更以全女班嘉賓上場，三個在他不同階段的好友歌手，包括林欣彤、鄭欣宜和JW（王灝兒），三人都以校服造型逐一現身舞台和Alfred合唱，他謂：「喺呢個畢業禮咁重要日子，我想請一啲同我經歷高高低低嘅朋友，每個人身邊都有啲人不停鼓勵你，無論你遇到任何事都好，問到唔問就第一個撐你，好多眼淚同歡笑聲，希望大家以熱烈掌聲歡迎佢返到呢個舞台。」而林欣彤先現身台上和他唱出《忍》。
到JW在台中央出現，兩人拖着手唱出《矛盾一生》，更有一刻兩人都被感動得哽咽起來，Alfred稱：「我哋一齊玩唱歌比賽大，兩個都傻吓傻吓咁，淨係鍾意唱歌，大大小小舞台都唱過，到今日嚟到紅館呢個舞台都想同佢一齊分享。」之後Alfred哽咽說：「呢個嘉賓錫我多過自己，將所有嘢分享畀我，我開心佢開心，我唔開心佢比我更加嬲，如果你哋都好似我咁幸福遇到一個咁嘅人，你哋要好好捉住佢，記得大大聲講你喺我心目中好緊要㗎。」之後就見欣宜已聽到哭成淚人，邊喊邊唱出《女神》，之後3女再與Alfred合唱《十年約會》及《青春頌》。
來源 source: http://hk.on.cc
|
鍾意就快D Share啦！
|
|
|
