掃呢頁CODE去手機

2019年3月27日 星期三

不甘做反派下海拍三級片 曹查理鹹濕天王唔易做 __,曹查理,

曹查理笑言現在年紀大,樣貌也變得比較慈祥,似生意佬。
曹查理笑言現在年紀大,樣貌也變得比較慈祥,似生意佬。【《蘋果》三藩市專訪】80、90年代擅演賤男、鹹濕猥瑣角色的曹查理,被封鹹濕天王,近年轉戰夜場登台 ...


【《蘋果》三藩市專訪】80、90年代擅演賤男、鹹濕猥瑣角色的曹查理,被封鹹濕天王,近年轉戰夜場登台搵真銀。日前曹查理在美國三藩市接受《蘋果》專訪,自揭當年因為眼見不夠他靚仔的演員也可以做主角,自己就要做反派,心有不甘轉拍三級片。不過鹹濕天王不易做,每日有得睇冇得食,要不停「升降」。

《蘋果》美國特約記者:唐芷瑩、何俊霆

相關新聞:【經典演出】兩年拍40部三級片

現年69歲的曹查理,是張智霖舅父,1982年憑一輯「拔蘭地」廣告而被看中,獲邀拍電影,多年來拍過中港台電影逾200部。他在《整蠱專家》飾演藥房店員,賣催情藥「淫賤不能移」予星爺,戲份雖然不多,但為人津津樂道。曹查理日前在三藩市接受《蘋果》專訪,提起「淫賤不能移」,他不禁笑說:「嗰個真係出位,周星馳話『我拍咁耐電影,拍一組鏡頭就俾查理殺個片甲不留。』」曹查理自言最喜歡的作品是《警察故事》這些早期作品:「令我知名度高咗好多,因為我做反派,成龍都話『打曹查理點解全場會拍掌。』」



曹查理在《整蠱專家》中,賣催情藥「淫賤不能移」給周星馳一幕,至今仍為人津津樂道。劇照 曹查理在《整蠱專家》中,賣催情藥「淫賤不能移」給周星馳一幕,至今仍為人津津樂道。劇照
已是退休心態的曹查理(右二),近日為慈善出山登台。

已是退休心態的曹查理(右二),近日為慈善出山登台。

接戲月袋270萬

在港產片黃金年代,曹查理風生水起,接戲接到手軟:「一日開3組戲,每組收3萬蚊,一個月袋270萬。嗰時深圳啲屋仔2萬7千蚊(人民幣)一間,我每拍一組可以買一間,我唔係好相信,都係唔投資內地,咁就後悔啦,如果嗰時每日買一間,今時今日我已經不得了。」當年曹查理同時兼拍8部戲:「太多錢搵,冇時間使錢,日日收支票畀老竇入銀行。內地好多政治禁忌,台灣想拍又冇資金,惟獨港產片『24小時營業』。」

雖然生活無憂,曹查理卻在90年代初毅然轉拍三級片,多年來的三級片作品逾80部,他解釋並非為錢,而是心有不甘:「嗰時我哋興起阿燦(廖偉雄)、大口青(王青)、吳耀漢、岑建勳,我哋呢啲咁靚仔就做反派,佢哋嗰啲個樣唔靚就做主角,我都有拍,但成日做反派俾佢哋恰嘅,我都冇得還拖。唔緊要啦,搵食啫,但拍拍吓唔對辦喎,因為賣廣告都係賣頂頭嗰幾個,我哋就冇嘅,所以我拍完成龍《警察故事》就轉拍三級片,佢哋冇可能拍三級片,我嗰時後生,我覺得一定紅!以前三級片係遮遮掩掩,到我時乜都見晒,啲三級片就蜂擁而來。我冇仔女,唔使向下一代交代,所以我乜嘢都夠膽拍。」

葉玉卿1991年主演的三級片《我為卿狂》票房狂收870萬元,片中曹查理強姦日本AV女優村上麗奈場面最令觀眾印象深刻,該10分鐘場口,曹查理兼任導演,設計借位動作:「足足拍咗12個鐘,村上拍到喊,一度要求『嚟真』,我話唔得,香港唔可以。後來連王晶睇過嗰一幕都話『查理你呢場戲真來嘅?』,我先至同佢講係假嘅。」因為這部電影,曹查理獲內地人封為「民族英雄」,他說:「當年尤其喺南京好鍾意播呢部戲,仲會大字寫我(戲中大戰日女優)係『中國民族英雄』。」曹查理便靠這些知名度開拓內地市場,曾接拍電影,但大部份時間還是在酒吧登台唱歌。

相關新聞:教外甥張智霖避提關係



曹查理在《四千金》中,眼甘甘望着利智。

曹查理在《四千金》中,眼甘甘望着利智。
在《禁房艷奇》中,曹查理與吳家麗合作,坦言曾對她動情。電視圖片

在《禁房艷奇》中,曹查理與吳家麗合作,坦言曾對她動情。電視圖片

每日不停「升降」

拍三級片,外人眼中的曹查理艷褔無邊,但他卻說有苦自己知:「其實我覺得好慘,有得睇冇得食,仲有嗰時後生,你知道男性始終有生理狀態,一個靚女喺你面前除清光,你要同佢kiss撫摸,好多動作做出嚟,一定有個生理狀態,你知道男性生理狀態係見到嘅,每拍一個鏡頭,當你拍嘅時候,你由靜止狀態去到一個興奮狀態,拍完一個鏡頭好快就會cut,cut要再打燈,你要停落嚟,但我仍處於興奮狀態,剛剛降低時又埋位又拍,一日淨係升降升降都幾慘。」



投資失利一鋪清

昔日合作過的三級片對手,曹查理坦言曾對《禁房艷奇》的吳家麗動情:「吳家麗真係有感覺,我都覺得吳家麗嗰時好靚。」當年接戲接到手軟,理應身家豐厚,可惜因為投資失利一鋪清袋。「炒股票!97年前炒,突然爆煲輸晒。我賣晒啲屋,輸咗成千萬,辛苦儲埋啲錢,一個回頭冇晒。我冇輕生,冇離開香港,只係匿埋,朋友以為我死咗,家人都搵唔到我。但我靜落嚟之後重新再嚟過。」




鍾意就快D Share啦!