【13:37】新增馬會回應事件
位於屯門龍門路的屯門公眾騎術學校，懷疑發生「走馬」事件，早上9時05分，有市民驚見一隻約1米長、頭頂及尾部有白毛的栗色馬，在湖翠路自由奔放地「慢跑」，只見牠跑得輕輕鬆鬆，姿態優美，即使在路上與的士擦身而過，亦完全無懼人與車，在湖翠路逕自跑了約300米兜圈轉入蝴蝶邨一所學校對開，最後由趕至的騎術學校職員將牠帶返行人路上，經安撫後再帶牠返回騎術學校，「走馬」過程約10分鐘。
讀者吳先生當時正乘的士在湖翠路經過，在車廂赫見有馬在路上「跑馬」，「我離遠已經望到，睇真啲，真係有馬喺馬路上行，以前冇見過有馬走出嚟，所以都好震驚！佢自由奔放，冇馬繩，冇馬韁，冇人跟住，應該係附近騎術學校走出嚟，自己走甩咗，覺得佢幾得意，但驚佢俾車撞，危險嘅，如果喺鬧市就唔得掂，又驚佢撞倒人，蝴蝶邨都好多老人家，萬一佢獸性大發，亂衝亂撞就唔好，如果有人俾佢撞倒一定瞓低！」
另一名讀者陳先生當時在美樂花園巴士站等車，突見到有隻馬在湖翠路兜圈去到蝴蝶邨，最後被職員趕至安撫及帶走。「佢跑嘅速度都快，咁啱冇咁多車，但對面有車就停低，之前冇見過有馬走出嚟，好多人見到都拍片影相，隻馬冇驚，好乖自己跑，街坊都話屯門最多都係見到牛，點知竟然有馬喺馬路！」
由香港賽馬會管理的屯門公眾騎術學校於1994年1月4日落成啟用，佔地34800平方米，是全港規模最大的公眾騎術設施。學校設施包括辦公室、課室、一個大馬練習場及兩個小馬練習場、可容納78頭大小馬匹的馬房、更衣室、洗手間及停車場，另設有一條繞山而建，全長約950米的馬徑，讓學員得享野外策騎的樂趣。
香港賽馬會回應「走馬」事件時證實，今晨9時05分，有小馬在放沙期間損毀圍欄，一度走出騎術學校範圍。馬房職員約在9時15分把小馬帶回騎校。事件中無人受傷，小馬經獸醫檢查後亦確認無礙。
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM
你敢爆，我敢獎！ 立即WhatsApp《蘋果》24小時爆相爆片熱線或致電：63836568
|
鍾意就快D Share啦！
|
|
|
