「長腳蟹」呂慧儀丈夫黃文廸被本報讀者透過「爆相爆片」直擊在巴士上攬新歡啜啜，前日呂慧儀回應老公偷食時表示「屋企事不回應」，但當晚深夜兩人就發共同聲明，指去年兩人已由夫婦變回朋友關係，又強調離婚跟第三者沒關係，兩人日後會共同撫養兒子。
相關新聞：【蘋聞重溫】黃文廸拖女有前科
現年36歲的呂慧儀與41歲丈夫黃文廸於11年結婚，三年後誕下可愛囝囝Anton，可惜兩人最後敵不過七年之癢，前晚發共同聲明宣佈離婚。聲明中，兩人強調︰「我們已於2018年決定由夫妻變回朋友關係，當時的決定不涉及任何第三者。我們選擇低調處理是為免影響兒子的成長。」更表示未來會「共同撫養孩子」，兩人目前的關係「仍是彼此相知和關心的」。
| | |
甜餵食糖
聲明指離婚與第三者無關，但未宣佈離婚前，黃文廸被本報讀者陳先生「爆相爆片」，撞破他日前與一名短髮女子在天水圍乘搭969號巴士，在車上黃文廸與該名女子親熱啜啜。陳先生說︰「佢同個女仔一齊，上到車後就好親密，我見到個女仔餵佢食糖，個男嘅又錫咗個女仔塊面一啖，佢哋全程細細聲講嘢，但笑得好開心，尤其個女仔，我開頭以為個女仔係佢親戚或同事，後尾見到咁我都打咗個突。」
陳先生指兩人之後齊齊於灣仔下車，見到該短髮女子身材略矮小：「佢哋冇拖過手，但係覺得佢哋好甜蜜，黃文廸好有風度咁幫個女仔拎住雨傘，等落咗車後先畀番佢，跟住佢哋一齊行。」
睇相皺眉
記者前日拿着短片及相片求證呂慧儀，當時她在無綫剛拍完處境劇，收工後準備揸車離開。她禮貌絞低車窗接受訪問，當聽到老公啜女後，反應錯愕，睇完短片後更皺晒眉，反問︰「係？」見到相中女子，更說：「呢個……路人嚟咋？」問到與丈夫有否對此事溝通，以及是否婚姻出問題，她鎮定地擠出笑容說：「屋企事唔回應。」問她看完照片是否不開心？她無奈說：「我要返去湊仔。」而當晚二人就發出離婚聲明。
事實上，呂慧儀和黃文廸感情生變有迹可尋。今年情人節，呂慧儀上載了一張玫瑰花相，事後女方接受訪問時，指玫瑰花是老公所送，但當時她忍不住呻說囝囝出生後，與老公恩愛大減︰「生小朋友後我哋就冇過情人節，只係慶祝囝囝半歲生日，我同老公講做樣都要送紮花吖。」呂慧儀與黃文廸一個是06年港姐季軍，一個是08年參選香港先生入行，奈何男方在娛樂圈的發展一直不及老婆，不時傳出女尊男卑，最後還是分手收場。
採訪︰卓寶花、唐琛悠
攝影︰梁繼光
|
鍾意就快D Share啦！
|
|
|
