現年36歲的林子善去年4月擺喜酒，在將軍澳一間酒店筵開63圍婚宴，迎娶圈外太太董佩欣（Kary）。豈料事隔一年，有讀者向《蘋果》爆料，指林子善竟嫌一名友人付300元人情太少，在網上唱衰朋友，導致兩人反面收場。前日林子善直認其事，但否認跟朋友反面，又說不怕網民負評：「網民鍾意點講就點講。」
相關新聞：【星爺睇中】《喜劇之王》洪爺成經典
林子善於去年4月與圈外太太董佩欣補擺喜酒，在將軍澳一間酒店筵開63圍。林子善在圈中人緣不俗，當日邀得馬國明、鄭嘉穎及黃嘉樂等擔任「戥穿石」外，連視后唐詩詠也「反串」做兄弟，鏡頭前一片喜氣洋洋。豈料二人結婚一周年，有讀者前日向《蘋果》爆料，指婚宴當日林子善為了300元人情，在網上留言唱衰友人，該讀者更將林子善與友人對話截圖，指二人因而反目。
友人認低威
事緣婚宴當晚散席後，林子善在社交網與一名有份出席的友人在網上對話，當時林子善留言揶揄對方：「你畀我份人情令我永世難忘」，該友人之後表示忘記給了多少人情，然後林子善留言：「300元」，友人表示印象中給了500元，但坦言如果入少了願意親自向林子善賠罪，但林子善再發炮：「我諗你一定係放錯咗錢，人情300元其實我都冇乜所謂，你冇錢我都冇所謂，我請你食飯都冇所謂好閒，最搞笑係你facebook inbox我話想參與我嘅婚禮，最後一個咁嘅結果，嗰吓我同我老婆真係笑咗出嚟。」林子善似意猶未盡，再度留言：「其實人情冇分多與少，做朋友手緊請你都冇所謂，講聲就得，上網搵吓去酒店人情基本畀幾多。」最後友人再認低威，自言沒有留意去酒店的人情價，是自己不對。
相關新聞：【大鬧喜宴】林盛斌醉爆險打交
唔怕受批評
對於被爆嫌300元人情太少、上網唱衰朋友致反面收場，林子善前日接受傳媒查詢時表示：「哈哈哈，唔係呀，冇反面，我講笑啫，叫佢delete咗個post啦。」記者指已被讀者截圖爆料，林子善說：「唔好講嘞，費事搞到個friend好冇面，因為佢同我講番，話自己唔知去酒店做幾錢人情，我話算啦，唔緊要，因為佢唔係我個friend，係我個friend嘅friend，咁樣囉。」林子善又表示不怕被網民批評：「唔怕，因為呢單嘢我唔知，係老婆拆人情時候睇到，我成日都亂噏，只係講笑，網民鍾意點講就點講，冇乜所謂。」
去年林子善補擺喜酒，新娘戴上大大塊金豬牌、五對龍鳳手鐲及兩條金鏈，貴氣十足，婚宴更由50圍加到63圍。當時林子善受訪時說：「原本50圍咋，之後好多朋友都話嚟，所以加到63圍，冇得再加，都要同一啲想嚟嘅朋友講唔好意思。」
採訪：皓騫
【網友負評】「唔介意唔會講」
林子善被指嫌棄婚禮賓客給300元人情，他受訪時雖然自言是講笑，但網友似乎不收貨，留言一面倒給負評。
|
鍾意就快D Share啦！
|
|
|
