掃呢頁CODE去手機

2019年4月12日 星期五

【狗仔出更】4歲梁浸浸鍾意車 Yumiko帶囡囡學芭蕾望變女仔啲 __,Yumi,Yumiko,梁浸浸,白緯玲,鄭希怡,

攝影:徐錦池、陳辰
鄭希怡(Yumiko)女兒梁浸浸(梁子柔)本月8日剛剛滿4歲,Yumiko為女兒舉行生日會,以彩虹顏色為主題。人見人愛的浸浸出世以來一直在網上「收兵」 ...


鄭希怡(Yumiko)女兒梁浸浸(梁子柔)本月8日剛剛滿4歲,Yumiko為女兒舉行生日會,以彩虹顏色為主題。人見人愛的浸浸出世以來一直在網上「收兵」,至今已經擁有不少擁躉,Yumiko亦不時會在社交平台分享囡囡的日常生活,早前還講笑指囡囡終於似番個女仔。



而浸浸的粉絲中,一定包括她的公公婆婆,日前《蘋果》便影到Yumiko和老公及囡囡,以及父母在西貢飲下午茶,全程坐在婆婆身邊的浸浸,不時出冧招氹婆婆開心,Yumiko媽咪見到孫女亦甜到漏,見浸浸食完點心,便即時幫她抹嘴,久不久又幫她整理頭髮及抹汗,浸浸亦好識做,不時心心眼望着婆婆,又將頭仔挨落婆婆手臂,嗲到爆!



待浸浸食飽後,Yumiko便和父母帶她去了附近一幢唐樓,其間亦由婆婆拖到實,Yumiko則尾隨爸爸殿後。原來4歲的浸浸開始學跳舞,Yumiko將她帶到跳舞學校後,便再陪父母到銀行,然後再會合老公離開。



《蘋果》聯絡過Yumiko,問她是否覺得浸浸有跳舞天份,所以帶她學舞?她笑說:「係呀!畀佢學芭蕾舞,因為佢好鍾意車,電單車呀、滑板車呢啲比較男仔啲嘅嘢,佢都好鍾意,所以想平衡一下。不過,芭蕾舞佢都學咗兩個幾月都鍾意嘅!」



講到浸浸好識得冧婆婆,Yumiko說:「婆婆同公公好愛佢㗎,兩個老人家特登返嚟香港同佢慶祝生日,留幾日就走。」Yumiko亦是孝順女一名,日前便帶同父母去澳門欣賞老友陳小春演唱會,同時為父親慶祝生日,她還在IG留言笑父母:「老爸,這個生日過得好嗎?帶你去澳門看了陳小春演唱會,你竟然頑皮到叫破喉嚨,老媽也跳起久違的廣場舞。」





-----------------------------

動腦Q金像獎周

4月8日-12日 10:30PM

Let’s Q the money!Action!

https://hk.adai.ly/zpCd06PPwV



攝影:徐錦池、陳辰 梁浸浸飲茶時,經常成個人挨在婆婆身上。 梁浸浸飲茶時,經常成個人挨在婆婆身上。
Yumiko說父母特意返港為梁浸浸慶祝生日。

Yumiko說父母特意返港為梁浸浸慶祝生日。
梁浸浸亦好識冧爸爸。

梁浸浸亦好識冧爸爸。
Yumiko和父母一同帶梁浸浸行去跳舞學校。

Yumiko和父母一同帶梁浸浸行去跳舞學校。
然後陪父母去附近銀行。

然後陪父母去附近銀行。
Yumiko帶囡囡及父母去澳門睇陳小春演唱會。

Yumiko帶囡囡及父母去澳門睇陳小春演唱會。
Yumiko坦言想囡囡女性化一點,故帶她學芭蕾舞。

Yumiko坦言想囡囡女性化一點,故帶她學芭蕾舞。
Yumiko為女兒舉行生日會(IG圖片)

Yumiko為女兒舉行生日會(IG圖片)
生日會以彩虹顏色為主題(IG圖片)

生日會以彩虹顏色為主題(IG圖片)

鍾意就快D Share啦!