明天是曾志偉的66歲生日，每年生日志偉除了會開party與好友慶祝外，亦會舉辦生日齋宴籌款，而今年就選址佐敦，舉辦名為「南京定山寺慈善素宴」，多位志偉的圈中好友如朱潔儀、錢小豪、今屆金像獎獲得專業精神獎的劉允、陳明憙、吳麗珠及張慧儀等亦有出席。
志偉受訪時表示已參加齋宴超過15年：「年年主題都唔同，幫唔同寺廟籌款，大約幫過6、7間。」問到他今次籌款的目標是多少？他說：「5、6百萬左右啦，47圍枱，拍賣一啲佛教嘢。以前仲要搵人買枱，而家啲人主動好多，會打嚟留枱，甚至係留定下年嘅枱。」提到明天是他66歲生日，會如何慶祝？他說：「唔知，交畀其他人搞，4月之星一齊慶祝，但唔知有邊個，上年有錢國偉、衛蘭衛詩兩姊妹。」他又透露近日已開始慶祝生日，更笑言昨晚已經喝醉：「噚晚已經好急速醉咗，近日食咗3、4個蛋糕，其實由前日下午開始安排（慶祝活動），如果搞得好大生日會，又唔知邊個嚟咗，邊個走咗，所以分開搞，如果8點幾就醉咗就冇意思啦。」問到囝囝曾國祥及其女友王敏奕如何幫他慶祝？他說：「冇喎，佢哋未必正日慶祝喎，都未知佢哋係咪會嚟，總之生日願望就係行得食得飲得瞓得。」
至於今日亦有到場的張慧儀，表示自己是第二年參加：「M club今晚有張枱，不過就唔知有邊個成員會出席，總之今日有時間就當大家嚟聚吓，M Club間唔中都有聚會，今次好難得唔使開工。」她又表示月底會為Viu TV拍劇，不過暫時就不能透露太多，問到即將開拍的劇集對她有何吸引？她說：「因為個角色好有挑戰性，舊年套《荷里活有個大老千》出咗街後，自己都物色一個有挑戰性嘅新角色，點知就開口中，所以就接咗。」問到如何跟志偉慶祝生日？她說：「聽日有個party，但自己就出席唔到，睇吓今晚同佢開開心心食餐飯之後有冇特別安排。」
近年也有參加齋宴朱潔儀，則指自己亦曾試過食素，不過可能因身體未完全接受，所以會見暈，她透露現正忙於籌備年底舉辦的畫展。
-----------------------------
熱定身睇GOT大結局
權力遊戲76頁電子書
幫你極速消化全劇精華
https://bit.ly/2U9OBxz
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|
