網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年4月7日 星期日

【67歲拉姑餵食鬍鬚Kong】狄波拉係棄嬰明白應盡母責 感激老公體諒常見謝賢 __,拉姑,狄波拉,謝賢,

狄波拉(拉姑)同老公江耀城(鬍鬚Kong)真係好鬼冤氣,拉姑手指指出嗲功要食雪糕,鬍鬚Kong梗係唔會托手踭啦,仲你一啖我一啖添。之後女嘅又會幫男方梳 ...




狄波拉(拉姑)同老公江耀城(鬍鬚Kong)真係好鬼冤氣,拉姑手指指出嗲功要食雪糕,鬍鬚Kong梗係唔會托手踭啦,仲你一啖我一啖添。之後女嘅又會幫男方梳理頭髮、整理衣物,執返四正。拉姑去睇衫,鬍鬚Kong就會好似個看更咁,企喺門口頭望望,乖乖咁等。結婚近廿年都咁sweet,旁人除咗羨慕,都要知道背後係充滿住愛與付出,唔係一朝一夕,例如鬍鬚Kong多年嚟都唔介意拉姑同前夫謝賢經常見面,更會同謝家嚟個五人行,當中氣量令人敬佩,亦係拉姑同鬍鬚Kong感情常鮮嘅要素。

鬍鬚Kong退休前係個機師,同拉姑首次見面就喺飛機上,亦一見鍾情,但礙於當時自己係有婦之夫,認為彼此有緣無份。直到各自離婚後又再重遇,兩人先至走埋一齊。

婚姻之道不外乎尊重、遷就以及容忍,鬍鬚Kong將上述三點演繹得好好,拉姑都曾經喺媒體前大讚:「我好幸運,我個江生係,只要我哋四個姓謝嘅坐埋一齊,咁佢就會話去洗手間,然後可以一兩個鐘都唔返嚟,再訊息話我知:『我喺隔離舖,你搞掂就打畀我。』或者係霆鋒、婷婷嘅大事,我江生都會隱形,畀我哋四位一體。呢樣我係好感激!」

或者有人會覺得:「拉姑成日當眾見前夫,都幾難為現任喎。」換個角度,甚至從拉姑孤兒嘅過去出發,其實佢係個不折不扣好媽媽。阿仔霆鋒就曾經喺節目透露過拉姑被遺棄嘅過去:「我媽媽也是來自一個單親家庭,她是一個孤兒,真的像看電視那種被放在人家門口,按完門鈴就跑掉的那種嬰兒。領養她的爸爸是個英國人,媽媽是個上海人。直到進入了電視台工作,突然間收到很多信自認是她的父母,她一封都沒有打開過。當初被遺棄了,她也不希望是因為有了點名氣才來相認。她不是也好好地活到今天,不也是一個很強的人!」

或者就係因為成長背景,形成拉姑家庭觀念好重,即使離婚都要以小朋友為大前題,做好父母責任,佢話過:「小朋友無得揀父母,你生佢出嚟,唔可以因為夫妻唔啱就影響佢。總之我同四哥乜都唔講,但一涉及仔女,我哋就有商有量。父母最基本就係對仔女負責,無論有無名份,總之我哋四個一體。」

相信鬍鬚Kong就係基於理解,於是懂得尊重,亦陪拉姑走過因為仔女負面新聞嘅緣故,喊到枕頭濕晒、要睇心理醫生、有過輕生念頭嘅困難時光。相信予人感覺堅強嘅拉姑,亦只會喺鬍鬚Kong面前展現小女人、軟弱嘅一面。


鍾意就快D Share啦!