諸葛紫岐（Marie）昨日忽然報喜，稱本月初於加拿大為Neway二少老公薛嘉麟再誕兒子，取名Andersen，重6.8磅，母子平安。Marie在五年前誕下大仔薛華韜（Arthur）後，一直表示希望追多個小朋友，不過一直未有懷孕的好消息傳出。今年1月Marie現身公開場合，當時應已懷六至七個月身孕，但當日穿上紅裙的Marie，身形纖瘦，比起陀第一胎約七個月時的樣子，有強烈對比，昨日有網民質疑：「搵代母生？」
| | | |
老公親剪臍帶
大仔Arthur在港出世，Marie今次卻選擇到加拿大安胎，並選擇自然分娩，她表示經歷了十級陣痛，老公全程陪伴在側，更親手為BB剪臍帶。她分享再為人母的喜悅：「薛家二公子，豬年同大家見面，今次因為係順產，感覺更加震撼，情緒比較波動，好感動，我同老公都有喊。」
問到為何選擇低調生BB？Marie解釋：「身邊朋友經常追問，真係有壓力，當成功追到時，壓力就更加大，自己亦唔想為身邊人帶嚟壓力，所以就低調進行，𠵱家先公佈呢個開心消息。」一家四口日前已返港，Marie與老公更經歷首次在飛機上為囝囝換片及餵奶，由於Marie現正坐月休息，薛嘉麟笑言會兼任工人及陪月，等太太坐完月後一齊去環遊世界。
至於內地女星章子怡近日傳出再度懷孕，有網民爆料指章子怡已在月子中心訂房。和老公汪峰在北京機場被影到時，章子怡就全身包得密實，腹部微凸孕味極濃，不過對於懷孕傳聞，章子怡與老公未有回應。
林伊麗捱肚餓
此外，2013年落選港姐、現為無綫娛樂主播的林伊麗，同樣帶來喜訊，昨日凌晨在Instagram宣佈於美國誕下兒子Owen。有化妝的林伊麗由入待產房開始拍片，連老公都有入鏡，全程陪伴在旁，她說：「經歷咗一小時嘅push之後，我就順利將囝囝帶嚟呢個世界，我都覺得自己幾勁，真係push咗一個鐘佢就出咗嚟。原來一入院就冇得食嘢，我餓咗二十幾個鐘，剛剛有啲嘢食，𠵱家每兩個鐘餵一次奶，做媽媽真係好偉大。」
撰文：陳甫
|
鍾意就快D Share啦！
|
|
|
