馬路真的如虎口！昨日網上瘋傳一條車cam片，一輛掛有中港牌的深色私家車，竟在中環灣仔繞道東行方向逆線行駛，其他車輛見狀立即慢駛不斷響號，但中港車仍左穿右插。該片上載至FB群組後，多名網民紛紛鬧爆中港車罔顧安全，今日警方將案件列作「危險駕駛」，並呼籲目擊者提供資料。
到底那一位涉事司機這樣烏龍大意？原來涉事車輛後座的乘客，乃大台劇《大時代》的「丁旺蟹」、吳啟華的胞兄吳啟明，昨晚他原定往中環四季酒店參加圈外朋友的宴會，但因為聘用的司機不識路，所以才犯下大錯。《蘋果》今日求證吳啟明，他直認當時在車上，他先以短訊回覆當時情況：「很驚。」
其後吳啟明再接受電話訪問，講到事發經過，他說：「係唔小心，嗰條係新路，司機行錯咗，一個唔小心入咗去轉唔番，但我個司機都立即有反應，佢打咗死火燈同慢駛，咁佢冇撞到任何嘢，係險象環生，正常人都驚，司機好慢車，佢等機會調番轉。」吳啟明知道事態嚴重，他今日聯絡了司機，勸籲對方去自首：「今午搵到佢，我叫佢去差館自首，始終佢係唔小心。」
吳啟明指當時在車上有受驚：「嗰幕好驚險，係人都驚啦，但司機都算處理得淡定。」有指該名司機只受聘了兩個月，仍未滿試用期，吳啟明說：「佢係犯咗錯，但我唔會炒佢，唔想佢冇咗份工，我會繼續聘用佢，但等佢處理好呢件事先，我仲會請律師幫佢。」
吳啟明事發時身處車廂中，經歷這一幕當然非常驚慌，據知涉事車輛為其公司登記所有，由於他要往返內地工作，所以該部車掛上中港車牌。吳啟明早年棄演從商，近日在中環開了餐廳「慢煮兩餐」，他會親自下廚，並成為餐廳生招牌。
《MCU寶石時軸全記錄》
1套6冊解構Marvel電影宇宙
入場睇Endgame前必讀天書！
https://hk.adai.ly/IFk7iee55V
-----------------------------
【記住63836568】全民爆相爆片！下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
| （資料圖片/互聯網截圖） | | |
| | | |
|
鍾意就快D Share啦！
|
|
|
