林子善去年四月與老婆董佩欣於將軍澳某酒店補擺喜酒，筵開63圍，邀請多名圈中好友參加。事隔差不多一年的時間，林子善日前竟就在社交網站上留言串爆：「你比我份人情令我永世難忘」，原來是他好友的朋友私下找他說希望能參與其中，子善就此事作出安排，誰料對方只是給了$300作人情，令他感到震驚，有不少網友看到後，紛紛表示就算人情不多，公開取笑對方十分不妥，此舉非常小器。
撰文：GW｜圖片：Lihkg、Moneyhero、林子善IG｜編輯：火星異種人（原文新假期）
林子善嫌300蚊人情少 網：人情公價究竟係幾多
截圖內容指林子善在該友人FB上留言「你比我份人情令我永世難忘」，暗指金額少得令人深刻，友人亦回應指不記得比了多少錢，印象中入咗$500，如果入少咗親自搵你賠罪，林子善便稱「我諗你一定係放錯左錢，人情$300其實我都冇乜所謂，你冇錢我都冇所謂，我請你食飯都冇所謂好閒，最搞笑係你Facebook inbox我話想參與我嘅婚禮，最後一個咁嘅結果，嗰下我同我老婆真係笑咗出嚟。」，仲叫對方「上網搵吓去酒店人情基本比幾多」，串到爆。
林子善接受傳媒查詢時表示該位其實不是他朋友，而是朋友的朋友，並笑稱「哈哈哈，唔係呀，冇反面，我講笑啫，叫佢delete咗個post啦」。仲叫大家「唔好講嘞，費事搞到個friend好冇面」。
網民留言
網民留言指林子善「又要扮唔Care又要擺上網串人」、「人哋會無面咪就係因為你小器」、「公開個價擺上檯講就真係核突左啲」，亦有網民認為「人情比$300又真係幾肉酸，但公眾人物擺人上檯講完又話唔介意仲肉酸」、「比三舊又真係少左啲」、「佢朋友自己話要黎，但比$300又真係唔多啱，$300可能林子善真係唔志在，係條氣唔順」。
酒店人情公價係幾多？
編輯喺搜尋器只打「酒店人情」已經出現一系列2016-2019的所謂公價。
看了幾個網站數據，一般酒店似乎平均都是$1000以上，而較為高級的酒店就約為$1200，又難怪林子善叫該朋友去「上網搵下酒店人情基本係比幾多」，$300又真係差左差不多三四倍。不過如果諗深一層，朋友可能經濟有困難先比$300嘅話其實情有可原，都係一份祝福啫！結婚唔洗咁斤斤計較嘅！
來源 source: http://www.nmplus.hk
|
鍾意就快D Share啦！
|
|
|