掃呢頁CODE去手機

2019年4月25日 星期四

英超Fever:【曼市打吡】曼城輕取曼聯 利物浦又飲恨? __,曼聯,

(GettyImages)《彩報》豪裝,入市即贏!撳撳呢條Link,寶藏等你拎:http://win.on.cc/football/ 關乎冠軍誰屬嘅英 ...


(Getty Images)


《彩報》豪裝,入市即贏!撳撳呢條Link,寶藏等你拎:http://win.on.cc/football/ 

關乎冠軍誰屬嘅英超曼市打吡周四(25日)凌晨上演,曼聯主場迎戰曼城,結果曼城憑貝拿度施華及利萊辛尼下半場各建一功,以2比0贏波全取3分,積89分以1分壓過利物浦重登榜首,聯賽尚餘最後3輪,曼城只要全勝就可衞冕,至於曼聯繼續頹,近9戰7負,令人失望。

開賽初段雙方企穩陣腳後,15分鐘開始嚟料,先有費特洛迪古斯遠射、連格接應長傳窩利,但都唔中目標,曼城則有貝拿度施華勁爆射門,被迪基亞雙拳打出,曼聯立即反擊,可惜拉舒福特單刀入楔差一點點。數分鐘內兩隊頻密來回搏拳,但然未開紀錄,但夠晒緊張刺激。

曼城攻勢無孔不入,43分鐘搵到機會,阿古路門前騷擾,史達寧12碼點起腳,但角度太正被門將迪基亞沒收,其後阿古路於右路空晒起腳,但又唔中目標,半場互無紀錄,曼城費蘭甸奴傷出,由利萊辛尼入替。

易邊後曼城繼續搶攻,53分鐘終於打開缺口,貝拿度施華進攻右路來犯,在勞基梳爾緊迫下起腳近柱窄位入網,曼城領先1比0,短時間內曼城另一次攻勢,阿古路左路推順於禁區頂勁射中柱彈出,曼聯立即反擊,可惜連格門前失機錯失扳平機會。

曼聯急於扳平,令後防出現空位讓曼城反擊,66分鐘史達寧送交利萊辛尼,左邊空晒射近柱再度收死迪基亞,曼城贏到2比0。

不過曼聯想破蛋都唔易,全場12射1中,把握力太差,結果都係追唔番,主場淨吞兩蛋續居第6,歐聯資格機會甚微。




來源 source: http://hk.on.cc
鍾意就快D Share啦!