係咪可以恭喜蕭生蕭太喇？
藝人黃翠如同老公蕭正楠一直愛得甜蜜，近日二人又齊齊出遊，呢日翠如喺網上晒出一張喺紅葉樹下影嘅靚相，嚟個老公視角！見翠如低頭望住自己個肚，好似有啲暗示喎！連好友陳敏之都留言表示：「我以為你...」而其他網友都話同敏之有相同諗法，不過當事人就未有回覆一眾網友，唔通真係有喜？
之後翠如再上載一張老婆視角，拍低老公好專心欣賞畫作嘅背面照：「他說自己藝術氣息很強，要去美術館，然後把每一幅藝術品，來回看了很久，不知他在想甚麼，我有點擔心他。」蕭正楠就搞笑留言回覆：「你也把我的背肌，來回看了很久，不知你在想甚麼，我有點擔心我。」兩個隔空耍花槍認真恩愛，不過有網民就用一句話破壞晒成個氣氛，話：「背肌在哪？」認真唔通氣！
來源 source: http://hk.on.cc
|
鍾意就快D Share啦！
|
|
|