邊種態度先係真？
內地藝人張丹峰早前被指同經理人畢瀅過從甚密，因而傳出同洪欣嘅婚姻出現危機，最終經理人離職平息風波，之後兩公婆一齊出席婚宴，佢哋仲合唱情歌兼笑晒口搭住膊頭影相，睇嚟都應該係和好如初！不過尋晚有網民喺機場撞到佢哋同囡囡，話佢哋全程零交流，個感覺似唔識多過似兩公婆。
網民留言大讚洪欣素顏一樣咁靚，瘦得嚟皮膚又白好有氣質，完全唔似已經48歲兼生過小朋友，佢話觀察咗一時間，完全見唔到洪欣同張丹峰有對話，而且當張丹峰去辦理手續時，洪欣就耷低頭專心打機冇理過老公，睇番喺機場啲相，張丹峯推住行李車，而囡囡張晞彤就坐喺行李篋上面畀洪欣推住行，佢哋雖然係同行但係隔咗一段距離，網民大嘆話已經見唔到佢哋以前恩愛嘅影子。
來源 source: http://hk.on.cc
|
鍾意就快D Share啦！
|
|
|
