馬上成為壹會員
會員專區 只限會員閱讀
四太向來係虎媽，對於仔女嘅學業同事業睇得好緊。
依家大女超盈佗緊佢個長外孫，四太講明會霸住個孫。
為咗錫住超盈，佢不但送5億超豪愛巢畀個女，仲包辦埋裝修同全屋家電佈置。
近日佢親自出動，幫個女買煲煲壺壺，呢個媽咪冇得頂呀！
雖然超盈計劃明年夏天喺葡萄牙舉行古堡主題婚禮，但星期5佢預先舉行過大禮儀式，聘禮同金器非常多。
超盈着傳統中國禮服，非常貴氣，不過包到冚好熱，細佬猷君為佢撥扇降溫。
過大禮嗰陣，四太預備Hermes男士服飾同用品做回禮，之前佢就親自去挑選，非常上心。
而且仲幫超盈包辦全屋家品，親自去買水晶杯同擺設，逐隻杯挑選。連花樽都親自揀，度好晒高度，要最fit個女間5億大屋。
煲都親自揀，專睇頂級品牌。上等人用貴價銅煲是常識吧，雖然通常都係工人煮飯。
四太連水壺都幫個女買埋，揀完一個又一個，精挑細選。
地氈都唔放過，可見日理萬機嘅四太，有幾重視個女。最後買到一袋二袋，當然係有人代佢拎
其實一切都可以搵人代勞，但四太話佢忙得開心，仲叫超盈要密密生，佢密密湊。
立即下載APP，精彩內容壹手掌握
如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|