「睇咩新聞多？動新聞都多。」
「快囉！夠即時！」
「睇片多，返工收工都會睇吓。」
「內容好啱我口味！」
「立場接近，雖然有陣時寫錯字，總會有嘅，但都要睇。」
走訪中環人，問一句「你平睇睇開咩新聞App？」不少人劈頭第一句就說「蘋果動新聞」，命中率比想像都要高。為更深入了解股、樓、商界，對此問題的睇法，記者鎖定三位目標名人，突擊追問「你每日願意畀幾錢睇蘋果動新聞？」
趁資深驗樓師詹sir拍完驗樓節目，記者吼準時機發問，詹Sir表示，「每日幾蚊」他指出消費有不同種類，有一種是你覺得物有所值就會買；另一種消費係支持、信念的表現，「有時你支持一件事，就不能用錢衡量。」每日數元，屈指一算，每月就逾百元，「有時自己支持慈善機構，都唔止呢個數。」
「我每天願意畀大約10蚊，每月約300蚊。」彌明生活百貨主席袁彌明，雖然預期一般香港人，每日只願付4至5元，但她強調，內容是應該要買，「無論如何也要走向收費，你哋要信你哋嘅內容做得好過人，同埋都有一個政治動機，去支持你哋嘅營運，要相信這批核心的香港人。」
訊匯證券行政總裁沈大師，平時分析股票值博率就分析得多，問到蘋果動每日應幾錢「買入」，他表示，「收錢都應該呀，燈油火蠟都要錢。以前買報紙一份要5至7蚊，呢個價好合理呀。」他笑指，「當然如果有我專欄，每日最少值10蚊！」雖然香港人一直習慣免費，「我都有啲財經節目有收錢架！最緊要係有內容、有質素！」
你以為以「習慣免費」而聞名天下的香港人，大部份人會說「1蚊都唔畀蘋果」？不過事實上，仍有不少香港人相信，蘋果動新聞值真金白銀支持：
「每日三蚊至五蚊，你以前買報紙都俾6蚊，你轉左上網之後，你少左收入來源架嘛。」
「50蚊一個月」
「5蚊一日都合理既，一個月百幾蚊。」
「除返開3蚊左右會睇，其實買份報紙都差唔多啦。」
------------------------------
按此訂閱支持蘋果 無阻盡覽
https://hk.adai.ly/PMtkKQIUBV
|
鍾意就快D Share啦！
|
|
|