特首林鄭月娥堅拒撤回《逃犯條例》修訂，又稱認同警方對示威學生的「暴動」定性，昨日200萬人憤而上街遊行，入夜後，不少遊行人士繼續留守，向港府展示「不撤不散」的意志（新聞連結： https://bit.ly/2XSLSLQ ）。原來昨日銅鑼灣時代廣場對出，發生中港大巴漏油，導演張堅庭目擊整個過程，怕事件釀成意外，落力幫忙解決，同時揭露廣場員工在應急措施及危機意識疑有不足。
張堅庭今早在個人頻道，指昨日行至羅素街時發現有車漏油：「今次我想周圍行吓，因為我6月9日剩係等都等咗個幾鐘，今次想拍啲片，我做觀察員，睇吓幾十萬香港人喺大街，小巷發生咗咩事，我又見到一啲嘢，今次太多人，我就放棄行大街，行羅素街嗰陣，發覺有一架中港巴士停泊喺度，我本來係影人群，忽然聞到一啲味道，原來車嘅油箱漏緊電油，我用一個編劇嘅思維去分析，喺呢個地方漏緊油，唔夠十呎距離，有一個垃圾筒上面有一大堆煙頭，嗰度噴緊油，如果啲煙頭，辣着咗成個爆炸，隔籬有成幾十萬人喺度，如果人群踐踏，可以去到咩地步。」
當時張堅庭正想辦法可以如何處理，他憶述：「背後有一個人說：『喂！係唔係有人搞嘢』即係佢覺得係唔係有陰謀，有人特登整到架車漏油，一個煙頭，真係可以發生好大件事，大家都知道羅素街，係一條好窄嘅路，出面又逼滿晒人。」接着張堅庭播出影片，片中看到中港車的油噴出，司機正查看並用地拖清理現場，沿途有車及路人經過，張堅庭先問這些是甚麼油，又指這樣很危險，張堅庭在片中責備一位吸煙的途人：「阿哥，你仲喺度食煙，仲企喺度睇，你知唔知呢度好多人，咁會好危險，唔係講笑，你企喺度望住，你唔救人，呢度成過萬人喺度，有人仲喺度掟煙頭，問你死唔死？而家仲喺度漏緊（油）㗎，大哥！」同時張堅庭稱時代廣場工作人員亦毫無頭緒去處理，之後張堅庭叫他們移開垃圾桶。
之後張堅庭見司機照讓數十名乘客上車，感到相當愕然，他開口阻止：「喂！你仲畀人上車，你知唔知安全措施點搞，你漏緊油呀，仲畀人上車，係唔係傻㗎你呀！」司機對張堅庭的說法充耳不聞，只拿着地拖繼續抹，張堅庭在情急之下，越講越大聲：「你唔可以畀佢哋上車，仲漏緊油，你有冇搞錯呀！叫佢哋走，叫佢哋落車」現場人士亦開始發現中港車漏油，張堅庭指責他們沒安全意識：「而家呢個係『計時炸彈』嚟，只等一粒煙頭，離晒譜！」件事發生了一段時間，仍未見警方到場，只有時代廣場職員在現場用手機影相，以及告訴途人盡量行開。
張堅庭忍不住上前質問：「我想問你有冇報警？」時代廣場職員用手機影完：「好呀！我哋報警，你等等呀吓。」張堅庭告訴他快些消防員來處理，時代廣場職員再說：「得！得！我而家通知，唔好意思吖！」職員即行開，怎料張堅庭返回對面行人路時，背後有一把男聲問他：「特登㗎嘛！」張堅庭即回答：「唔係特登，佢頭先上晒客，我叫佢啲客落番嚟，唔係特登嘅，佢懵盛盛，好危險，應該block住唔好畀人過，你啲伙計喺度呀！唔係唔知呀，而家幾十萬人喺度，你企喺度做咩？呢度唔可以畀人行，你睇吓滴緊油，有冇搞錯呀！」
職員指已叫整車師傅前來，見其中一個職員拿出一大袋疑似木糠，有途人說：「你用木糠仲易起火，你吸電油用木糠，唔係玩我吓話，你油渣辣着木糠就好似燒柴咁。」張堅庭接着說：「仲漏緊，問你死未？」另一個女職員就叫司機開車走，擾攘一段時間，職員報警後，才叫消防到場。
有網民留言「個師傅好有問題，人咁多喺度放油」、「個司機話打得爆得滯，但我好奇怪點解個油缸可以入到比佢容量多咁多嘅油」、「一啲危險意識都冇，好彩有張生你大聲喝止」、「幸好張導演你發現，希望大家要注意安全」、「睇住個懵盛盛嘅司機由啲油係咁流，一個煙頭掉埋去真係好大劑」、「柴油呢就咁煙頭就點唔着嘅，但係佢加個地拖呢就perfect」。據理工大學機械工程學系工程師曾指出，柴油不像汽油，需於95℃才能燒着，掟煙頭也未必燒得着，而汽油只需20℃，除非柴油揮發氣化，充斥空氣中，遇上火源就會燃燒。
-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多
|
鍾意就快D Share啦！
|
|
|
