2019年6月17日 星期一

法甲:PSG巴西幫瓦解!尼馬丹尼爾等回巢巴塞 __,丹尼爾,尼馬,

(GettyImages/互聯網)巴黎聖日耳門(PSG)日前請番李安納度擔任體育總監,呢位巴西名宿將對球隊進行大整頓,而且目標直指同胞尼馬。PSG兩年 ...


(Getty Images/互聯網)


巴黎聖日耳門(PSG)日前請番李安納度擔任體育總監,呢位巴西名宿將對球隊進行大整頓,而且目標直指同胞尼馬。

PSG兩年前用2.22億歐元向巴塞隆拿收購尼馬,但佢表現未如理想,最諷刺係佢加盟之後,球隊成績反而倒退,今季只獲得法甲冠軍。

據悉PSG高層已經對尼馬失去耐性,會長艾卡理化仲話:「球員必須承擔更多責任,佢哋係來工作,而唔係來玩,如果佢哋唔同意,大門開住,請講再見,我唔想再見到任何明星行為。」呢番言論明顯針對尼馬。

尼馬唔止球場上交唔出功課,場外負面新聞亦多多,包括捲入強姦案,令大老闆卡塔爾主權基金非常不滿,怕會影響國家形象,所以想搵機會賣走尼馬。

尼馬一走,以佢為首嘅「巴西幫」球員丹尼爾、堤亞高施華、馬昆奴斯哥利亞都有可能離隊,西班牙《每日體育報》指巴塞有興趣簽番尼馬同丹尼爾,因為兩人過去喺巴塞表現非常好,一定啱使。

另一支西甲勁旅皇馬亦有意簽入尼馬,甚至有傳曼聯都打入爭奪,可能成今夏最轟動轉會交易。

立即參加「賞您睇」:http://bit.ly/2JWKULh 

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!