掃呢頁CODE去手機

2019年6月16日 星期日

【反送中遊行】黃秋生無上街自覺對唔住年輕人 望和平克制別再有不愉快發生 __,黃秋生,

林鄭日前宣佈暫緩修例,但指警方對示威者開鎗是「天公地義」!對於777自鑄新詞,黃秋生今日(6月16日)在網上字字鏗鏘地駁斥「有啲嘢唔可以自己以為係咁就 ...




林鄭日前宣佈暫緩修例,但指警方對示威者開鎗是「天公地義」!對於777自鑄新詞,黃秋生今日(6月16日)在網上字字鏗鏘地駁斥「有啲嘢唔可以自己以為係咁就随便改嘅」,更舉例他所知的「天公」包括「天公有眼」、「天公開眼」,意思係:「同啲衰人講,天收妳呀,天公開眼囉。」更早前,秋生亦出post說:“All we are saying, is give peace a chance. Remember ,the world is watching.”看來相當擔心6.16遊行會再出現警民衝突的情況。

《壹》仔致電予秋生和他聊了一會,對於今日反送中遊行,他強調自己最希望的是和平:「最好當然無事無幹啦,大家表達訴求,兩方面都保持克制,唔好再有不愉快事件發生,咁就最好,唔通希望混亂咩。」另外,秋生認為遊行人數不會比上次少,他預想約140萬人左右,原因「包括好似有少少勝利,我睇就唔係啦;包括跌咗個人落嚟,呢種情緒刺激;包括區長出嚟講嘢大家都唔接受,大家都唔收貨。包括咗咁多嘢嘅時候,咁應該唔會冷卻得幾多。」

很多人上街,但秋生自己則「匿喺屋企坐喺度」。對於眼看大部分上街遊行的都是年輕人,他說對不起他們:「佢哋(年輕人)梗係fight for佢哋將來啦,因為佢哋時間長吖嘛,個社會係佢哋㗎嘛,佢哋影響最大。即係唔係話唔關我事就唔理,其實我哋死就一世唔死又大半世,但好似好對唔住佢哋。」

加上昨晚有一位反修例黃衣男在太古廣場墮地亡,比起擔心其他市民「仿傚」,秋生更擔心類似什麼壓力症候群的情況,他說:「譬如話停止唔到自己不停睇新聞、失眠、擔憂、情緒低落,呢啲係一種病態,我反而擔憂呢樣嘢。我覺得可能要睇多十日八日,如果有第二個都係咁呢,咁大家要警惕喇,呢個唔係小事嚟,唔係仿傚咁簡單!成件事影響情緒,包括我都係啦,幾十歲,都唔開心㗎呢個禮拜,都成日覺得好似好抑壓好抑鬱咁,『點解會咁樣㗎』。」

秋生亦認為反送中遊行與暴動相去極遠,如果這就算是暴動,那麼外國如歐洲般擲汽油彈豈不就是打仗?但那才算是暴動!因此,他「建議」:「(反送中遊行)如果唔係暴動呢,唔該你拉咗嗰啲人就放返佢喇。同埋呢,你嗰啲過份使用武力嗰啲,唔該道歉。如果係暴動呢,唔好退,即刻立法,暴徒嚟㗎嘛,幾多人出咗嚟遊行呀?百幾萬全部拉晒佢,起個人工島困住佢!」

其實,黃秋生不是一面倒的人,他指自己「匿喺屋企無出去,又咁嘅年紀,可能睇嘢可以再冷靜客觀啲」,就好似外星人睇返晒所有片段再去判斷警方克唔克制:「我又覺得警察係唔係全部都唔克制呢?唔係㗎喎,你一堆警察入面有啲人可能大聲啲,但有啲亦都唔係咁衝動去勸喻㗎喎。咁你警察始終係一個群體,同埋群體有一種群體情緒,你要明白一個癲起上嚟就十個癲,即係好似啲狗咁樣一隻吠就十隻吠。我唔係話佢啱,你亦都會見到有啲落單嘅人就被打,喺地下度無反抗能力,即係過度使用武力,呢個係真嘅,但有啲你再睇返,你又覺得:『咦!佢又唔係個個都問候老鄭(老母)㗎嘛。』」

他明白自己說上述一番話,很可能會被人鬧爆,但他只想表達:「社會唔可以用一個非黑即白嘅態度。」「畀和平一個機會!」

立即下載APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!

鍾意就快D Share啦!