網友：周董你同我落番嚟！
36歲國際知名中國鋼琴家郎朗尋日大婚，迎娶德韓混血兒索老婆Gina Alice，郎才女貌得到各界祝福，而郎朗的多位好友如台灣天王周杰倫（周董）與太太昆凌、美國男歌手John Legend與模特兒老婆Chrissy Teigen等都係座上客，場面熱鬧又有藝術氣氛！
郎朗喺法國凡爾賽宮舉辦婚禮晚宴，席間佢不禁技癢大晒琴技，與太太即場四手聯彈大展默契，畢業於漢堡音樂戲劇學院嘅Gina舉手投足都同郎朗襯到絕，正當大家都盛讚二人係天作之合時，呢個童話婚禮竟然被「騎劫」！原來周董喺晚宴中，都有上台表演，佢一樣係同郎朗玩四手聯彈，演奏周董名曲《青花瓷》，加上現場有樂手拉二胡做伴奏，都真係幾有Feel㗎。不過有網友就笑言周董成個「女主人」一樣，更有抵死網友為一對「新人」送上祝福，留言高呼：「祝郎朗同周杰倫百年好合！」
來源 source: http://hk.on.cc
|
鍾意就快D Share啦！
|
|
|
