掃呢頁CODE去手機

2019年6月13日 星期四

鄧卓殷:港姐失手!鄧卓殷條褲太薄透白色底底 __,港姐,鄧卓殷,

身為港姐亞軍,Amber今次真係有啲唔小心喇!2018年港姐亞軍鄧卓殷(Amber)出席《2019香港小姐競選》之「最後召集」活動,Amber穿着黑色 ...


身為港姐亞軍,Amber今次真係有啲唔小心喇!


2018年港姐亞軍鄧卓殷(Amber)出席《2019香港小姐競選》之「最後召集」活動,Amber穿着黑色貼身褲上陣,但由於褲子質料太簿而透出白色內褲。

有搵郭子豪

提到其緋聞男友郭子豪因醉駕而被判90小時社會服務令及停牌一年,Amber稱有聯絡對方:「知道佢判咗刑,有問佢情況,佢會接受判決。(叫佢少啲飲酒?)佢都講過飲酒同揸車唔會一齊做,呢行飲酒好難避免。(佢鬆咗一口氣?)佢都會安心啲,成件事過咗去。(有冇慰問佢?)有關心吓佢。(佢飲酒嘅時候,你負責車佢?)我揸車嘅技術唔好,我有車牌,但仲係P牌,我揸車時要有爸爸喺側邊睇住,因為香港啲路比較窄,都會驚。」

畀參選貼士

講到參選貼士,Amber認為有兩點要注意:「報完名之後好快會收到面試通知,準備時間唔係好多,所以報名之後就要食得健康啲,以最佳狀態去見評判,咁就唔會臨急抱佛腳,收唔到身。我一直有做開運動,所以當年冇收唔到身。另外就係要化淡妝去面試,因為評判想見到清爽嘅樣。」問到有否合適人選可提名?她坦言身邊朋友對參選興趣不大:「我會繼續物色,我屋企冇妹妹,得個阿哥,而且表妹又好細,要等十年後先可以提名。」




來源 source: http://hk.on.cc
鍾意就快D Share啦!