掃呢頁CODE去手機

2019年6月4日 星期二

袁澧林:C1:挑機胡兆康 袁澧林:我係坑王 __,袁澧林,

袁澧林向世界冠軍胡兆康下戰書,夠晒大口氣。今期「文青女神」袁澧林(Angela)為《我和星星有個約會》約粉絲決戰保齡球場,豈料遇上神秘嘉賓「保齡天王」 ...


袁澧林向世界冠軍胡兆康下戰書,夠晒大口氣。


今期「文青女神」袁澧林 (Angela)為《我和星星有個約會》約粉絲決戰保齡球場,豈料遇上神秘嘉賓「保齡天王」胡兆康突襲,令女神又驚又喜。Angela信心爆棚向對方「挑機」,結果球球落坑,更被取笑做「坑王」,幸得大師傳授獨門心得,最後打出「全中」,總算不負眾望。

向來「仙氣」上身的袁澧林(Angela)今次完全沒保留,在人前展現活潑一面,應兩位「鐵粉」阿清與美斯邀請在保齡球場較量,原本自稱「高手」零難度的她,意想不到世界冠軍胡兆康突然踩場,即時被打亂陣腳,當堂怕醜兼O嘴變小粉絲。Angela見機不可失,不停叫對方使出真功夫,讓她從旁偷師,而胡兆康亦樂意向女神傳授必勝技巧。

讓賽照輸即詐型

在高人教路下,Angela打得有板有眼,不消一會竟膽敢向大師「下戰書」:「你教我嘅已經掌握晒,不如我挑你機啦,我哋打一局,香港冇人打得贏你,話唔定我就係打贏你嗰個。」見慣大場面的胡兆康點會被拋窒,欣然答應。為贏波Angela不惜提出讓Round賽,即胡每局只有一個機會,相反她就能補飛打兩球,認真唔公平。不過,胡兆康貴為世界冠軍,實力不容置疑,輕易打出「全中」,嚇得Angela球球碌落坑,被取笑是「坑王」,惟有全程以笑遮醜:「我只要贏到心目中嘅自己就得」又詐型指對方沒有教她旋轉球。

High爆叻番次

到決勝局,胡兆康為令比賽變得更緊湊,再讓Round只打中5支,可惜Angela繼續打落坑,大師亦忍不住加強力谷,最後一球Angela全神貫注,而兩位粉絲亦集氣替偶像打氣,但她一樣戴定頭盔:「唔落坑就當贏」終於創造奇迹打出「全中」,她開心得興奮跳高,再坐落地下狂歡,雖然以19比25落敗,胡兆康仍大讚她有進步:「開頭有少少甩轆,但慢慢記番個力, 打得OK嘅。」袁澧林食住上請求大師收為徒,他神回:「可以,得閒約出嚟玩。」

經過一輪激戰後,Angela將之前絕學傳授兩位粉絲,正如她所形容是「BB班」,但與他們打友誼波明顯自在很多,玩得興起矇眼、用左手同背面開波,刺激欠奉,爆笑有餘。事後她開心與粉絲互動,並說:「全個過程都好難忘,我係扮緊保齡球高手同佢哋過招,點知畀佢哋發現我係坑王!」

古裝仙女人氣北上

模特兒出身的袁澧林,2016年為ViuTV拍開台預告節目《We I U》,憑脫俗仙 氣形象,成功俘虜不少粉絲,更被封「文青女神」,廣告一個接一個的她,人氣十足,北上 發展拍的古裝劇《聽雪樓》近日播出,即被大批網民讚扮相有氣質,演技亦了得,身為第二主角的她完全搶晒女主角袁冰妍鋒頭。

被不少人視為偶像的Angela,本身的偶像是早已在內地紅爆的歌手王菲,她說:「佢到依家都係歌壇最頂尖嘅歌星,平時都係聽佢20年前嘅歌,亦會上網睇番佢啲MV 。」問到有機會碰見王菲或有機會跟對方合作會做甚麼?她笑說:「可能我連合照都唔會影,偶像同凡人係有距離㗎,哈哈!如果要幻想有機會合作,我都係想做番Fans角色,我一定會做得好好。」

粉絲的話

Hi,我係阿清,已經鍾意咗袁澧林兩年,仲記得第一次見面係籌備Fans Club。鍾意佢係因為睇到佢同Dear Jane拍嘅MV開始,同佢相處落覺得佢個人好率直,最鍾意佢夠真,成日癲癲喪喪咁。

Hello,我係美斯,最鍾意Angela傻更更成日笑,同埋佢成日會唔自覺郁身郁勢,做埋啲奇怪動作,真係好搞笑。當然佢最煞食、最吸引我梗係佢嘅文青Look

麥明詩十優Miss 出口術等你

又有女神駕到《我和星星有個約會》,今次有請「十優港姐」麥明詩!麥明詩喺劍橋大學畢業,出咗名讀書叻,如果有佢教英文,咁就冇得輸喇!試諗吓,佢化身女Miss,用一口純正英式口 音喺度教書,真係想瘋狂同佢學英文㗎!大家都唔使得個諗字喇,呢個千金難求嘅機會,一直都等緊你,只要Email嚟ent. date@on.cc,你嘅文字充滿真誠與真心,就有機會被選中!

場地:雷霆保齡

更多新聞,請瀏覽東方日報網頁:

https://orientaldaily.on.cc/




來源 source: http://hk.on.cc
鍾意就快D Share啦!