【香港書展2O19】一年一度書展今日開鑼，今年依然有不少矚目寫真。入行22年的攝影師林子賢（Ronald）今年推出回顧相集，其實他在過去十年來，每年書展也從不缺席，在他的鏡頭下拍過超過40本性感寫真集。Ronald今次推出的相集，就收藏了數百位美女性感靚相，包括周秀娜、陳靜（DaDa）及仍是𡃁模的郭富城太太方媛（Moka）的首本寫真。
相關新聞：【寫真之最】Rose Ma晒南半球
有「香港寫真之父」之稱的Ronald Lam入行22年，曾拍攝逾40本寫真，今年他決定來一個回顧相集，推出《Ten Year Challenge》，當中收藏了未紅時的「娜姐」周秀娜、未攞「最佳女配角」的陳靜、已升呢做「天王嫂」的方媛等。Ronald日前在九龍灣影樓接受《蘋果》專訪，他一臉自豪地說：「影過幾百個，接近千啦，冇確實數過幾多個，但數百個一定走唔甩。」
讀攝影出身，由助手逐步成為攝影師的Ronald，2009年為周 秀娜拍下人生第一本寫真集，也成為他事業的轉捩點：「當時佢未係娜姐，我哋叫佢Chrissie，大家一齊去商量點做好呢件事。最經典嗰張滴雪糕，各人都有意見，係共同努力嘅結果。」Ronald大讚娜姐不扭擰：「佢出名好好態度，要乜嘢甫士同神態，都可以滿足到你，即使好性感嘅shot都唔使黐膠紙。」
相關新聞：張嘉兒教餵母乳：係天職
Moka一分鐘60甫
DaDa是Ronald的另一經典，2010年剛入行的DaDa拍攝周曆，玩足52個look，其中一件透視露咪裝是由Ronald操刀：「當年好興3D，但因為印刷問題出版唔到，我都保留咗一啲3D相，睇番舊照，都好想幫DaDa推出番3D相集，因為佢真係擁有好立體嘅身形。」郭富城太太方媛當年是DaDa師妹，Ronald在2012年也曾為對方拍過寫真，他笑說：「我都有啲遺憾，我搵埋另一位攝影師幫手。Moka係一位好專業Model，幾乎一分鐘擺60個甫士，早知自己影番啦，哈哈！」
有人覺得Ronald好有艷福，Ronald指拍攝過程好辛苦：「同個體態撩人嘅女仔共處一室，大家一定覺得攝影師好着數，但實際係化妝師喺你左邊一呎，右邊又有助手拎住反光板，經理人又贒住有冇走光，你都唔會有乜親密念頭。」他承認商業市場性感在所難免：「性感係比較多話題、多人買。我會話性感唔係核心，但性感係一種工具，令到本書更多人認識。」
跟楊思琦食海鮮
Ronald希望拍攝性感女郎的背後，可以發掘她們的另一面。問到多年來那一本最賺錢？他說：「可能都係近期楊思琦，利潤都唔錯。」他直言跟住思琦着數多：「因為佢喺馬來西亞好受歡迎，導遊仲要同我哋講『唔好意思，今餐又食海鮮』，平時我啲行程好辛苦，但佢就好豪華。」
除了影索女，Ronald也影過男模，還遇過尷尬事：「當時個男model係全裸，只係拎住條『毛巾仔』喺大廈天台望住一個夕陽城市，佢表情係好尷尬，可能女仔嘅尷尬我feel唔到，但嗰刻我真係有啲毛管戙。」
採訪：嵐山
攝影：陳俊強
|
鍾意就快D Share啦！
|
|
|
