已故名伶新馬師曾鄧永祥遺孀祥嫂洪金梅昨日離世，終年73歲。祥嫂大仔鄧兆尊證實死訊，指母親在下午5時左右離世。祥嫂早年雖然與子女爭產反目，甚至對簿公堂，關係時好時壞，如今撒手人寰，其15億身家將分給鄧兆尊、鄧兆榮、鄧小艾和鄧碧玉四子女，有傳兆尊因為最得母親痛錫，分得最多。
相關新聞：【遺產紛爭】與新馬師曾同居27年結婚
祥嫂洪金梅為粵劇名伶新馬師曾的第四任妻子，兩人於65年同居，92年正式結婚，兩人育有鄧兆尊、鄧兆榮、鄧小艾及鄧碧玉共四名子女。祥嫂昨日下午5時病逝，終年73歲，鄧兆尊回應《蘋果》：「下午5點左右去世，有心，人生必經之事，平常心！」問到祥嫂臨終有否遺言？他說：「冇啦，要講嘅平時都講晒！」兆尊稱弟妹都有到醫院送祥嫂最後一程。他又指祥嫂不希望外間知道她患肺癌，要求他封嘴將其病情保密，所以他們對母親的病情十分低調，但已一早做好心理準備。
兆尊傳分最多
新馬師曾在1997年離世後，留下逾4.2億元遺產，祥嫂與子女因爭產打官司，關係一度非常惡劣，但前年祥嫂對子女與財產看法改變，更指鄧家子女和洪家親人全部可以得到她的遺產。祥嫂估計約有15億身家，主要分給兆尊四兄弟妹，不過因為祥嫂比較疼愛兆尊，傳兆尊會分得最多。
祥嫂多年好友黃夏蕙昨日在電話表示，祥嫂沒跟她說患癌：「我上個月去美國前，5月22號去佢屋企見過佢，佢出花園同我傾偈，聽到佢有兩聲咳，當時佢好瘦，精神唔好。佢冇講患癌，淨係話戒晒煙戒咖啡！」夏蕙姨赴美後收到祥嫂入院消息，但一直電話聯絡不到她：「上星期我喺美國聽到佢病危，馬上求證，虛驚一場，今日接到朋友通知佢死訊，好唔開心，畢竟幾十年好姊妹，最難忘係陪佢捱過爭產嗰段日子。」黃夏蕙有意更改美國探親及登台行程，提早返港協助辦理祥嫂身後事。
相關新聞：【話題模仿】「入侵」電視電影
| | | |
夏蕙姨讚節儉
夏蕙姨又大讚祥嫂節儉錫子女︰「祥嫂其實好錫啲仔女，當年佢同仔女爭產，好淒涼，𠵱家祥嫂到頭來又係一無所有，啲錢都留畀仔女。記得佢哋兩次爭產，其間好番時，祥嫂有同我講話仔女對佢好，每月畀佢4萬家用，囡囡又送佢20萬名牌手袋。仔女又畀佢銀行信用卡，嗰段時間關係好好。」黃夏蕙表示祥嫂雖然有錢，但平日生活節儉，不捨得花費，她希望兆尊等幾名子女，為祥嫂風光大葬：「讓佢生榮死哀。」
陳慎芝與祥嫂相識多年，他昨日表示：「大約半小時前，有兩個老友記打畀我話佢走咗，好似係肺癌。我哋都係老友記，識咗二十幾年，之前都係佢打畀我話約基哥（李兆基）見面。」在短時間痛失兩位朋友，陳慎芝難掩傷感：「自己都有啲失落感，好多都係肺癌同肝癌，好多人都叫我要注意，我今年都71歲，都覺賺咗。」
無綫前高層何麗全讚祥嫂是好母親︰「佢好關心自己子女，好關心兆尊事業，又同祥哥一樣，都係好熱心公益。」而白韻琹惋惜嘆謂：「人始終要走，希望佢去到另一個世界會更開心！我哋都有一段日子冇見，自己都好少出街。」
今年5月22日，有讀者爆相爆片，指在內科及老人科病房的樓層見到鄧小艾和鄧兆榮，疑是探祥嫂。其後再有讀者爆料指他曾在3月，見到祥嫂獨自現身日間癌症治療中心腫瘤科，當時兆尊與小艾也表示只是小毛病，可惜事隔個多月，祥嫂已撒手人寰。
採訪：鍾國仁、陳杰、魯吉、嵐山、皓騫
|
鍾意就快D Share啦！
|
|
|