馬上成為壹會員
會員專區 只限會員閱讀
王喜做男一的神劇《烈火雄心》近日重播，雖然已經是第三次重播，依然有不少人追捧。提起這部當年電視生涯的代表作，王喜不吐不快。
「我今日要澄清番二十幾年前對我的指控，話我是特權份子、高層契仔，所以唔需要泊職員停車場。我能夠泊嗰個邵氏停車場，係因為我以邵氏演員簽約，佢哋係我經理人。」他說。
當日更被指擅自改劇本，原來一直得監製無言嘉許。
「監製唔會咁樣開口講，因為如果咁樣講既話，就會得失一啲唔改劇本，或者劇本寫錯都會照講既演員。其實佢哋都係一種專業，但如果佢開口讚揚我呢種演員，就會得失咗為數比較多既演員。」他說。
事實，王喜跟監製王心慰，到現在仍然是朋友，之前他跟南山二虎鄭敬基和錢嘉樂，相約食飯講當年。而《烈火》這部電視劇，當日監製預計南山三虎的戲軌會受歡迎，於是邊拍邊加他們的戲份，由三十集加至四十二集。
當日有寃無路訴，王喜解釋：「但當年無互聯網，無facebook，我無得憑自己把口去伸辯，因為啲記者唔願意咁樣寫，唔係報導事實反而係道聽塗說。」
在炎熱高溫下拍攝，着住消防制服的王喜試過自尋短見。
「我記得當時已經係日接夜，夜接日既第四天，拍《烈火》時，我最長試過連續七日無瞓覺。我記得有日拍外景時，連飯盒都食唔到，我將飯盒拎上車，放喺車頭擋風玻璃位置。」他說。
但因為一直被催入廠拍另一場戲，他開車到廻旋處扭軚，駛入電視城城時，一盒雞飯掉下來。當日，不單要餓着開工，其時已經萬箭穿心的他，返公司途中，又被指跟劇中對手不和。
他表示很感觸：「嗰日，我接到一位記者打嚟問我攞回應同澄清，我講晒自己故事，但我深信佢第二日c1頭版，必定唔會寫我既解釋，嗰晚我曾經同一個人講，我話不如去自殺。」
幸而當年他未有行動，因為二十一年後，這個人跟他讖悔，不單覺得他不是這種人，還在臉書寫了一段字替他澄清，更指自己當年看錯人。
「呢個就係當時有份寫我，用咗十幾年時間，見到我後面就會憎我前面，然後用盡所有方法寫死我既一位記者。二十一年後，佢喺facebbook寫番一段肺腑之言，原來經歷過，共事過相處過先至知道我係一個好人。」王喜說。
事過境遷，被指麻煩人物的他，當年因而失去了不少機會，但他認為最重要是，兩個人因而解開心結得到和解，不用帶着怨憤生活。
立即下載APP，精彩內容壹手掌握
如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|