(Getty Images)
唔止足球睇波，仲有24小時滾動賠率，即時體驗：https://bit.ly/2UmNL0L
美洲國家盃季軍戰周日(7日)凌晨上演火爆一幕，阿根廷球王美斯與智利後衞加利美度出現頭撼頭衝突，性格內斂嘅美斯罕見地展現憤怒一面，與對方硬碰硬對抗，結果雙雙被罰紅牌出場，亦係美斯生涯第2張紅牌。結果阿根廷贏2比1，美斯餘怒未熄拒絕領獎。
今仗是阿根廷連續3屆美洲國家盃與智利碰頭，對上兩屆決賽阿根廷都輸波，雖然只係季軍戰，但阿根廷為咗報仇強陣出擊，開賽22分鐘內便憑阿古路及保羅戴巴拿各入1球領先2比0，美斯為首個入球交出助攻，表現認真。
戰至37分鐘，美斯在進攻左路底線位置，與智利右閘加利美度爭位碰撞，皮球出底線後，加利美度回身向美斯挑釁，以往類似情況美斯都會讓開，專心比賽，但今次美斯一反常態，面對對方身體及頭部碰撞，竟然挺身還擊，雙手舉高，有趣嘅係對方竟然比美斯更矮，兩人頭碰頭一時勢均力敵。
事發後球證好快介入，先向加利美度出示紅牌，但隨即美斯都被罰紅牌，其實美斯喺事件中只係被動還擊，但一樣食紅牌無得傾，美斯一面無辜離場，賽後更拒絕領取季軍獎牌。
立即參加「賞您睇」：http://bit.ly/2JWKULh
Click下面粒掣，儲on.cc coins！機票、家電、超市禮券、過萬份獎品等緊你。
來源 source: http://hk.on.cc
|
鍾意就快D Share啦！
|
|
|